سەرۆکا لیژنا دەڤەرێن کوردستانی ئاماژەکر، د سەرەدانا ڤێ دوماھیێ یا سەرۆکێ حوکمەتێ بۆ بەغدا دگەل حوکمەتا عێراقێ دوپاتی لسەر ئاسایی کرنا دەڤەرێن کوردستانی ھاتیەکرن و دبێژیت، پەرلەمانێ عێراقێ دێ ھندەک بڕیاران لدۆر دەڤەرێن کوردستانی دەرکەت.
جوان رۆژبەیانی، سەرۆکا لیژنا دەڤەرێن کوردستان لپەرلەمانێ کوردستانێ بۆ ئاژانسا خانی دیارکر” ل چەند رۆژێن بۆری مەسروور بارزانی سەرەدانا بەغدا کرو ئێک ژ مژارێن سەرەدانا سەرۆکێ حوکمەتێ پرسا ئاسایی کرنا رەوشا دەڤەرێن کوردستانی یێن دەرڤەی ئیدارەیا حوکمەتا ھەرێما کوردستانێ بوویە، چونکە لیژنەیا بلندا مادێ ١٤٠ ھاتیە کاراکرن و ئەگەر سالێن بۆری بەغدا یا پێگیر نەبیت ب رێکەفتنێن دگەل ھەرێمێ پێدڤیە حوکمەتا سودانی کار بۆ بجە ئینانا مادێ ١٤٠ یێ دستووری بکەت.
جوان رۆژبەیانی گۆتژی” ھندەک بڕیارێن سەردەمێ رژێما بەرێ ھەنە و پێدڤی ب پەرلەمانی ھەیە بۆ دەرکرنا بڕیارێن تایبەت ب دەڤەرێن کوردستانی و ئاسایی کرنا رەوشا وان دەڤەران، لەوڕاژی مەسروور بارزانی دگەل سەرۆکێ پەرلەمانێ عێراقێ کۆمبوویە و ئەو بابەت ھاتیە بەحسکرن.
Comments are closed, but trackbacks and pingbacks are open.