شرین ســـەفەر
پەیوەندیکرن برێکا رەوشنبیریێ کریارەکا لێک گوهورینا زانستی وتێگەهـ وبهایانە دناڤبەرا رەوشەنبیریێن جیاوازژ تاکە کەسێن جیاواز،ئەڤ جورە پەیوەندیە گرنگیەکا زورهەیە دجیهانا مەیا نوکەدا چونکی جیهانا مەیا هەفچەرخ تایبەتمەندە ب زێدەبون و لەزاتیا پەیوەندیان دناڤبەرا رەوشەنبیریێت جیاوازدناف یەک کومەلگەهـدا، روژانە مروڤ کارلێکرنێ دگەل کەسان دکەت ژرەوشەنبیریێت جیاوازو کەلتورێن جیاواز چ برێکا گەشتێ بیت یان کارو خواندن یان برێکا تەکنەلوجیایێ بیت.بەلێ دبیت ئەڤ کارلێکرنە هەردەم یا بساناهی نەبیت چونکی رەوشەنبیریا هەر کەسەکی ژکەسەکێ دی ژکەلتورەکی بو کەلتورەکێ دی جیاوازە وەکی جیاوازی دشێوازێ هزرکرنێدا ونەبونا وەکهەڤیا یەک زمان و و نیشان وهێما و زمانێ لەشی هەروەسان رەفتار وبها و دابونەریت ، ئەڤ جیاوازیە و هەمەجوریا رەوشەنبیریا دبیتە ئەگەرێ لێک تێنەگەهشتنێ دگەل یەک.
بودەربازبون ژ ڤان جورە جیاوازیێن رەوشەنبیری لدەف تاکە کەسان وبهێزکرنا پەیوەندیێن کارا دناڤبەرا کەسان دا ئەم پێتڤی ب نەرم و نیانێ و تێگەهشتنێ وبەرهەڤیا گونجاندێ دگەل جیاوازیا رەوشەنبیریا کەسانێن دی هەیە .هەروەسا ئەم دشێین ڤان پەیوەندیان پێش بێخین وزێدەبکەین دماوێ فێربونا بەردەوام و فێربونا زمانان وەکی زمانێ زارەکی و نەزارەکی و پەیوەندیێت ڤەکری ورێزگرتنانا یەک وخو دویرئێخستن ژدانا بریارێن دەستپێکی و مفا وەرگرتن ژدەرفەتێن ئالوگورکرنێ دگەل کەسان. هەروەسان بوئاڤاکرنا رێکێن تێگەهشتنێ و رێزگرتنێ مە پێتڤی ب لێگەریان و دیتن و تێگەهشتنەکا کویرترو باشترهەیە ژجیهانا دەوروبەرێن مە بەرفرهەکرنا هشیاریا مە بوهەمەجوریا رەوشنبیریا.
زێدەبونا پەیوەندیێت کاریگەروباش دناڤبەرا تاکەکەسان هاریکارن بو ئافراندنا جیهانەکا ئارامترو ئاڤاکرنا داهاتویەکێ باشترو زێدەبونا هەمەجوریا هزری، کو هەمەجوری پێتڤیەکا گرنگە بو چارەسەرکرنا ئاریشا وەکی گوهورینا رەوشا نەخوش وهەژاریێ وململانێ.هەروەسان پەیوەندی ڤەکرنا دەرگەهێن داهێنان و هزرکرنا داهێنەرانە دماوێ مفا وەرگرتن ژ باگراوەند و دیتنا رەوشەنبیریێن جودا.
لدوماهیێ پەیوەندی دناڤبەرا جیاوازیا رەوشەنبیریێن تاکەکەسان چالاکیەکا گرنگە د جیهانەکا پەیوەندی داردا،هەروەسان رولەکێ گرنگێ هەی بوبهێزکرنا تێگەهشتنێ و ئاڤاکرنا رێکێن هەڤالینیێ دناڤبەرا تاکە کەسان دا .دماوێ تێگەهشتنا رەوشەنبیریێن دی و رێزگرتنا وان ئەم دشێین وان ئاستەنگ و بەربەستا کۆنترول بکەین و پەیوەندیێن ئەرێنی و هەمەجوری و ئێکگرتنا دناڤبەرا رەوشەنبیریان دا ئاڤاکەیین.
Comments are closed, but trackbacks and pingbacks are open.