مووسا خالد ، دهوک
چالاکڤان ، رۆژنامەڤان
پشتی کۆ نێچیرڤان بارزانی سەرۆکێ هەرێما کوردستانێ د سەرەدانەکا فەرمی دا گەهشتە ولاتێ ئیماراتێ و دگەل محەمەد بن زائید ئال نەهیان سەرۆکێ وڵاتێ ئیماراتێ کومبووی، بێگومان ولاتێ ئیمارات ب گشتی گرنگیێ ب عێراقێ ددەت و ب تایبەتی هەرێما کوردستانێ ژی زێدەتر.
پەیوەندیێن ئیمارات و هەرێما کوردستانێ یێن ئەڤرۆ نینە بەلکۆ ماوێ چەندین سالایە کۆ پەیوەندیێن باش یێن دوولایەن هەنە، ب تایبەتی نێچیرڤان بارزانی سەرۆکێ هەرێمێ ل دەمێ بووری پەیوندییەکا باش ل دەڤەرێ هەبوو و دگەل حکومەتا عێراقێ بۆ چارەسەرکرنا ئاریشەیێن هەرێما کوردستانێ دگەل بەغدا، چارەسەرکرنا ئـاریشەیێن نافخۆیی یێن هەرێما کوردستانێ بۆ بابەتێ هەڵبژارتنا بۆ سەقامگیریا دەڤەرێ دیسان سەرەدانا سەرۆک کۆمارێ تورکیا بۆ عێراقێ و هەرێمێ گرنگیا خۆە هەبوو، و دیسان سەرەدانا سەرۆکێ هەرێما کوردستانێ بۆ ئێرانێ، هەمی ئەڤ سەرەدان و لڤینێن هەرێما کوردستانێ بۆ سەقامگێرییا هەرێما کوردستانێیە، ژبەرکۆ سەرۆکێ ئیماراتێ ژی گرنگی ب ڤێ سەرەدانا سەرۆکێ هەرێما کوردستانێ دایە و پشتگیرییا وی دکەن.
پەیوەندیێن ناڤبەرا هەرێما کوردستانێ و وەلاتێ ئیمارات درێژخایەنن و د ئاستەکێ مەزن دانە، پشتی وەلاتێ تورکیا و ئیران، ئیمارات وەلاتێ سێیەمه کۆ وەبەرهێنانێ ل کۆردستانێ دکەت هەبوونا گەلەک کومپانیایێن بیناسازی و وەبەرهێنانێ ئاستەکێ مەزن د وارێ ئابووری و بارزگانی هەیە، سەر ئاستێ کەلوپەلان وەکۆ وەلاتەکێ کەنداڤێ و دیسان هەرێما کوردستانێ ئالوگۆرا بازرگانی هەیە دگەل وەلاتێ ئیماراتێ دیسان هەرێما کوردستانێ دڤان سالێن بوری دا گەلەک کەلوپەلێن خۆە هنارتنە وەلاتێ ئیماراتێ ئەم دشێن بێژین هەبوونا پەیوەندیێن هەرێما کوردستانێ و ئیمارات مفایەکێ دوو سەری هەیە و د بەرژوەندیا هەردوو لایەنان دایە.
ل ئاستێ هەرێم و نێڤدەولەتی چەند پەیوەندی و سەرەدان زورتربن ل ڤێرێ باشتر کەرتێ بازرگانی و پێشەسازی و گەشتوگۆزارێ باشتر پێشدە دچیت و گەشەتر دکەت و دێ وەبەرهێنانا باشتر هێتە پێش و هەروهسا هەبوونا ڤان جوڕە پەیوەندییان دێ گرنگیێ دەتە هەرێما کوردستانێ و دیسان بۆ عێراقێ ژی گرنگە، هەروەسا کابینا نەهێ ب سەرۆکایەتیا ئەندازیارێ گەشەپێدانا ئابووری سەرۆکێ حکومەتا کوردستانێ مەسرۆر بارزانی بەردەوامە ب درۆستکرنا پروژێن وەبەرهێنانێ و زێدەکرنا دەرفەتێن کاری و دیسان زۆر گرنگی دایە رۆیێ بازرگانی و ئابووری یێ هەڕێما کوردستانێ ناردنا کەلوپەلان بۆ ژدەرڤەی هەرێمێ و کارکرنا بەردەوام بۆ هەموو ئاستەنگ ۆ کێمکرنا و نەهيلانا گەندەلیێ بۆ خزمەتكرن و ئاڤەدانكرنا كوردستانێ کابینا نەهێ یا حکومەتا هەرێما کوردستانێ پرۆژێن مەزن و بچیک ل سنۆرێ دەڤەرداریێن جودایێن پارێزگەهێن هەرێمێ ئەنجامداینە دکەرتێن جودا جودا پرۆژە بۆ هەموو دەڤەرداریان بێ جوداهی، ئەڤ پرۆژە ژی و دۆپاتیێ ل پێشئێخستنا کەرتێن “چاندن، گەشتیاری و پشتەڤانیا کەرتێن رەوشەنبیری، وەرزشی، هۆنەری” و چالاکیێن مرۆڤایەتی پێشڤەبرینە و پرۆژەیێن دکابینا نەهێ دا دەستکەڤتێن مەزنن بۆ ژێرخانا ئابووری.
د کابینا ۹ێ یا حکومەتا هەرێما کوردستانێ گرنگیەکا مەزن دایە پەیوەندیێن هەڤبەش دناڤبەرا هەرێما کورستان و ئیماراتێ ب تایبەت د وارێ بازرگانی و وەبەرهێنان و تەکەلوژیا و گەشتوگوزارێ، ژبەرکۆ هەرێما کوردستانێ و عێراقێ گرنگییەکا مەزن ددەنە پەیوەندیێن دگەل وەلاتێ ئیماراتێ کۆ وەکۆ ولاتەکێ کەنداڤی و دەولەمەندە، و لایەکێ دێ ژی ژبەرکۆ گرژی و ئالۆزیێن رۆژهەلاتا ناڤین بەر ب پاشەرۆژەکا نەدیارڤە دچیت ژبەر هندێ ئەڤ جورە سەرەدان و پەیوەندییە بۆ هەرێما کوردستانێ گرنگن.
Comments are closed, but trackbacks and pingbacks are open.