پەیڤدارێ حکومەتا هەرێمێ ڕاگەهاند، “وەکو حکومەت بووچوونا مە یا ڕۆهنە و ئەو سیاسەتا کو پێشتر بۆ پرسا نەفتێ هاتیە پەیڕەو کرن، ژ ڕوویێ یاسای و دەستووریڤە یا دروستە.” گۆتژی،”بووچوونا مە ئەوە ئاریشەیا هنارتنا نەفتێ ل دەمەکێ نێزیک بهێتە چارەسەرکرن.”
جوتیار عادل، پەیڤدارێ حکومەتا هەرێما کوردستانێ د داخویانیەکا ڕۆژنامەڤانیدا ڕاگەهاند، بڕیارا دادگەها پاریسێ دێ زیانێ گەهینیتە هەمی خەلکێ عیراقێ، شاندێ حکومەتا هەرێما کوردستانێ د چەند ڕۆژێن بووریدا دوو جاران سەرەدانا بەغدا کریە و بەرەڤپێشڤەچوونێن باش هەبووینە.”
گوتژی،”حکومەتا هەرێما کوردستانێ یا پێگیرە ب ئەوێ ڕێککەفتنا دگەل بەغدا یا کو دەربارەی یاسایا بودجەیا گشتی یا عیراقێ، کو یاسایا نەفت و غازێ ژی تێدا هاتیە ئێکلا کرن.”
پەیڤدارێ حکومەتێ ڕاگەهاند،” لێکتێگەهشتنەکا باش دناڤبەرا هەولێر و بەغدا دا هەیە و هەردوو لا د گەشبینن ژ بۆ کو رێیە چارەسەریەکێ بۆ ئەوێ ئاریشەیێ ببینن و بگەهنە ڕێککەفتنێ، ژ بۆ هندێ دووبارە نەفتا هەرێمێ بۆ دەرڤە بهێتە هنارتن.
Comments are closed, but trackbacks and pingbacks are open.