ساخلەمی :
هندەک جاران زاروک تووشی هەودانێن گوهێن ناڤەندی دبن، وچێدبیت ئافرەتێن دانعەمر دەیکا زارۆکی هاندەن کو چەند دلۆپەکێن شیری خۆ بکەتە د گوهێ ویدا داکو ئێشانا گۆهێ وی سڤککەت، یان هندەک جاران بۆ سووڕبوون وهەودانێن چاڤان ژی دکەنە چاڤاندا.
ڕاستە شیرێ دەیکێ تژی مفایە بو زاروکی ،بۆ نمونە : بەرگریا لەشی زێدەدکەت ،وڕێژا هەودانان (بتایبەتی یێن گۆهی وڕویڤیکان) کێمدکەت، هەروەها دپارێزیت ژ ئاریشێن ئەگزیما وڕەبویێ وقەلەویێ و..هتد.
لێ ژبوی چارەسەرکرنا هەودانان یا گرنگە ئەڤ شیرە بچیتە دەڤێ زاروکیدا نەک گۆهێ وی هەتاکو بکارێ بەرنگاریا هەودانێن گوهی ڕاببیت. چونکی ئەڤ شیرە یێ زەنگینە ب چەندین ماددێن بهێزکەر بو سیستەمێ بەرگریێ وەک جورەکێ تەپکێن سپیێن خوینێ (کو دبێژنێ macrophage) کو بەکتریایێ دادعویرن ،وپرۆتینێ مەناعێ (IgA) دیوارێ مەعیدا زاروکی دپارێزیت.
لێ دانانا شیری دگوهێ زاروکیدا مفای ناگەهینتێ وڤێ چەندێ چ بنەمایێن زانستی بو نینە ، چونکی پتریا هەودانان گوهێ ناڤەندی ڤەدگرن، وپەردا گۆهی ناهێلیت ئەو شیر یان هەر ماددەکا دی ژ گۆهێ دەرڤە دەربازی گوهێ ناوەندی ببیت (بتنێ د هندەک ڕەوشێن تایبەت دا نەبیت کو ئەو پەردە یا ب کون بیت). بەلکو بەروڤاژی ڤێ چەندێ چیدبیت ئەڤ شیرە د گوهیدا ڕێژا هەودانان زێدەبکەت چونکێ شێداریا گوهێ دەرڤە زێدەدبیت ،وهەروەها خوارنێن زەنگین ب شەکرێ (کو شیر ئێک ژوانە) دبنە ژینگەهەکێ باش بۆ گەشەکرنا بەکتیریا. لەوا دڤێت پێکهاتێن شیری بهێنە پاراستن وپیدڤیە دناف سەلاجە وجهێن ساڕدا بهێنە هەلگرتن.
** گەر ئەڤ بابەتە ب دلێ تەبوو، هیڤیدکەین مشارکە بکەی بۆ هەڤالێن خوە.، ژپەرتووکا #ب_هزرێن_ساخلەم_بژی
Comments are closed, but trackbacks and pingbacks are open.