▪ چ قەیرانێن غازێ ل سنۆرێ ئاکرێ نینە

لژنا دیڤچون و بازرگانی و قائیممقامێ ئاکرێ بەلاڤکریە و دبێژن:

چەند رۆژەکە چەند پێگەهـ و ماڵپەرێن سۆشیال میدیایێ و راگەهاندنێ گۆتگۆتک و نۆچە و زانیاری یێن بێ بنەما و نەراست بەڵاڤ دکەن، کو “قەیرانا غازێ یە و غاز یا کێمبووی یان نینە ل سنۆرێ ئاکرێ”.
وەلاتی یێن خۆشتەڤی، دڵنیا و پشتراست دکەین، کو چ قەیرانێن غازێ نینە، و غاز هەر وەکو بەرێ یا بۆ کارگەهێن دەڤەرا مە دهێت، دوپات دکەین، کو چ قەیرانێن غازێ نینە، و هەر بریکارەک و گوڕەپانەکا غازێ، سەرپێچی یا نرخا فرۆشتنا گۆسکێن غازێ بکەت و ب گرانتر بفرۆشیت، دێ هێتە سزادان.
بۆ زانین نرخا گۆسکێ غازێ (9.000) نەهـ هزار دینارن ل سەنتەرێ باژێڕی و (9.500) نەهـ هزار و پێنج سەد دینارن ل گۆند و ناحیێن سەر ب قەزا ئاکرێ، و غازا بازرگانی ژی نرخا وێ (13.500) سێزدە هزار و پێنج سەد دینارن، دیسان قەدەغەیە غازا بازرگانی ب مالان بهێتە فرۆشتن، بتنێ بۆ جهێن بازرگانی یە (خوارنگەهـ و کافێ و …هتد)،،هەر بریکار و گۆڕەپانەکا غازێ، پێگیریێ ب نرخا ئاماژە پێ هاتییە دان نەکەت و غازێ بگرانی ب وەلاتیان بفرۆشیتن، دێ سەردەری یا یاسایی لگەل سەرپێچیکاری هێتە کرن و تۆشی سزادانێ بیت و هێتە بێ بەهرکرن ژ پێدانا غازێ.

شهاب یاسین محمد
بەرپرسێ
چاڤدێرییا بازرگانی ل ئاکرێ
سەرۆکێ
لیژنا سووتەمەنیێ ل دەڤەردارییا ئاکرێ
2023/1/20