سەردار ھێتوتی
تورێن جڤاکی یێت ئیرانێ، تایبەت یێت تەخا گەنجا ل زانینگەھێن وی وەلاتی د وێ باوەرێ دانە، ئەڤ کۆشتن و کۆشتارا ل ڤان ساڵێت بووری دوەڵاتێ وان دا بڕێڤەدچیت، مەرەم پێ ژناڤبرنا دژمنێن ئسیرائیلێ نە ل ناڤا ئیرانێ.
ئەو د وێ باوەرێنە کو دەستەکێ بھێز و ڤەپەنی خۆ دناڤا سازیێن وان یێن ئەولەکاریێ دا ڤەشارتینە و بکەرێن سەرەکی یێن ھەموو بوویەرێن بکەر نەدیارن.
کەنالێ BBC فارسی ژی چەندین نووچە بەڵاڤکرن و د ناڤا بالکێشترینێ واندا، ئەڤ ناڤ و نیشانەیە، ژناڤبرنا دژمنێن ئیسرائیل ل ئیرانێ ھەر ژ زانایێن ئەتۆمی ھەتا ئیسمائیل ھەنیە.
د سالێت بووری دا ھژمارەک ژ بەرپرسێت پایە بلندێت لەشکەری و زانایێت بیاڤێ ئەتۆمی یێت ئیرانی ل جھێت جدا ھەم دناڤا وەڵاتێ واندا و ھەم ژی ل دەرڤەی سنورێت وان ھاتنە ژناڤبرن و کوشتن، مەسعود عەلی محەمەدی و محسنێ فەخری زادێ و عەلی ئەکبەرێ سالحی ژ وان زانایێن ئیرانی یێت بیاڤێ ھێزا ئەتۆمینە و ھەر ھەموو د بویەرێت بکەر نەدیار دا ھاتینە کوشتن.
ھەر چەندە، کەنالێت فەرمی یێن ئیرانێ بلەز ڤان کارێن کوشتنێ ددەنە پال ئیسرائیل و ئەمریکا، لێ گەلێ ڤی وەڵاتی و د سەری دا قوتابیێن زانینگەھا گومان ھەیە و دبێژن کو دەستێ نافخۆیی ئەگەرێ ڤان کوشتارایە.
پشتی کۆشتنا ھەنیە، ئەڤ دەنگە ب بھێزتر بلندبوویە، وان باوەری ب گۆتنا حکومەتا وەڵاتێ خۆ نینە دەما گەفێن تۆلڤەکرنێ دکەن و داخازا وان پاراستنا ئیرانێ یە و دیرکەفتنە ژ ڤان کارێن ئیرانێ یێن تێکدەرانە و خۆشکرنا ڕەوشا وان یا ئابووری یە.
Comments are closed, but trackbacks and pingbacks are open.