بێوارحسێن زێباری
هەرێما کوردستانێ یا زەنگینە ب سامانێ سروشتی یێ خوە و بەرهەمێن جودا جودا دهێن کرنێ ل دەڤەرێ و هەر دەڤەرەک ژی دگەل گوهرینا کەش و هەوایێ خوە بەرهەمێن چاندنێ دهنێن چاندن و درین د وەختێ خوە یێ دیارکریدا . ئەڤ دەڤەرا زێبارێ و هندەک دەڤەرێن دیتر ژی هێشتا ب داسان دورینێ دکەن .
پێشوار زێباری، ئێکە ژ خەلکێ گوندێ دوودیا ژیرێ یا ب سەر ناحیا دینارتێ ڤە داخویاکر ، دگەل هاتنا وەرزێ درینا بەرهەمێن سالێ وەک جو و دەخل و نیسک و نوک …. کانێ ل ڤی دەمیدا دەڤەرێ چو هاتیە چاندن د وەختێ خوە یێ پێگەهشتنێ دا دهێت درین ژی .
گوتژی ، ئەم ل گوندی وەک زبارە هەموو پێکڤە هاریکاریا ئێک دکەین بۆ کار و بارێن گوندی و ئەڤرۆکە ژی دەمێ درینا دەخل و دانیە و مە دەستپێکریە ، هێژ گوت، دەڤەرا مە ل زێبارێ کو دبیژنێ دولا نەهلێ جوداهییەک هەیە ئەو ژی ئامێرێن پێشکەفتی و سەردەم ناگەهینە هەموو زەڤییان چونکی پتریا زەڤیێن مە د ئاسێ و بەر و تەراشێن مەزن و زەحمەت دناڤادا هەنە لەوما ئەم هەر وەکی بەرێ ب دەستان کو داسان درینێ دکەین .
جەمیل حامد، ئێکە ژ شارەزایێن د وارێ چاندنێ دا ل دەڤەرێ دا ئەشکراکرن: دەڤەر بۆ دەڤەرێ جوداهیەک هەیە چ روویێ ئاخ و کەش و هەوایێ چ روویی بەرهەمێ چاندنێ کۆ ئەڤ دەڤەرا تا رادەکێ جوداهییەک هەیە ژ روویێ کەش و هەوایی فێنگ وبەرهەمێن وێ ژی جودانە بگرە ژ سماق و هژیر و وەک دەخل و دانی .
دیسا ژی کو ئەردێ وێ وەکی مە ئاماژە دایێ کۆ دەڤەرەک چیایی یە و دبیت بکارئینان ئامێرێن سەردەم و پێشکەفتی هند ب ئاسانی بکێر نەهین لەوما شێوازێ دەڤەرێ ژ روویێ چاندن و سەخبێرکرن و درینا وان ژی جوداهییەک هەیە و وەک سەردەمێ بەرێ باب و باپیران ب دەستان و داسان دورینێ دکەن ، بەرهەمەک باش ژی ل دەڤەرێ دهێت بەرهەمئینان و هەتا تام و رەنگ و جوانیا خو ژی هەیە دەخل هەیە بریە سایلویان ب نمرەکا هەرەباش هاتیە وەرگرتن بەلێ وەکی مە گوتی دەڤەرێ شێوازێ دورینێ توزێک زەحمەتە لەوما خەلک کێمتر دکەن و زەحمەتە بو وان ژی .
نەکو ژ رویێ باو بارانان ڤە هەتا سالەک هەبیت سەرانسەرێ هەرێمێ وەک هشکە سالی بیت نەکو بەرهەمێ دەڤەرێ ترژیە ژ ئاڤێ ژی جونکی دەڤەر بخو یا ب بارانە و کەش و هەواییەکێ فێنگ.
Comments are closed, but trackbacks and pingbacks are open.