ناجح بێجانی
گەلەک جۆریێن کادران یێن هەین و هەر کەسەکێ شارەزایی دبێڤەکیدا هەبیت وەکۆ لەشکەری -سیاسی-ئیداریی-ئەلیکترۆنی- کشت وکاڵی ل دویف تایبەتمەندی و کارێ وی، هەر چوو نەبیت دڤێا هەلگەرێ باوەرنامەکا زانستی بیت ،یانژی پشکدارییێ د خۆلەکا رەوشنبیری وراھێنانێ دا کر بیت ،لڤێرێ ئەز دێ بەحسێ کادریێن سیاسی کەم ، چێدبت پەیڤا کادر بەری سالێن (٥٠)دەف مە کوردان گەلەک یا بەر بەلاف نەبیت ،پشتی تەفگەریێن شۆڕشێن کوردی پەیدا بوون ،ئێدی ئەڤ پەیڤە بەر بەلاڤ بو دناف فەرهەنگا زمانێ کوردی دا ، پشتی رێکخستنێن پارتی پەیدابوون خەلک پتر پێ ئاشنابوون سەرانسەری کوردستانێ ھەر دەڤەرەکێ کەسەک وەکو (کادر) هاتە دەستنیشانکرن ، ئەو مرۆڤ بن یێن کۆ خاندن و نڤێسین دزانین ول مزگەفتا فێر ببوون ، گەهاندنا پێزانین وراسپاردان و وەرگرتنا ئابونەیێن مەهانە بو وان کەسێن دناف رێزیێن پارتی دا هاتنە ڕێکخستن ب رێیا ڤان کادران تاکو شۆڕشا ئەیلولا مەزن دەستپێکری گەلەک جۆریێن کادران پەیدابوون وھەر ئێکی ل دویف شارەزایێ وی وەکو لەشکری- ئیداریی-پەروەردەیی-کۆمەلایەتی …هتد،بۆ رێڤەبرنا ئەرک و کارێن رۆژانە یێن خەلکێ وان دەڤەرێن دناف شۆڕشێ دا ، پشتی سەرهەلدانێ ئەرکێ کادران کەفتە دقووناغەک جودا ل هەمی باژێرو پارێزگەهان بارەگایێن پارتێن سیاسی ھاتن ڤەکرن وخەلکەک دورۆبەریێن وان کومڤەبون بۆ ڕاکێشانا سۆزو عاتیفیەتێ و دامەزراندنا رێکخراویێن جەماوەریی و پێشەیی سەر ب وان ئالیانڤە ، دەرفەتەک پەیدابو ،لەوما گەلەک کەس وەکو
کادر دەست بکار بوون ,بێکو بزانین کارێ وان چی یە ، ئەرکێ وان دێ چی بیت؟
جارێ دڤێتین هەر چوونەبیت ژهەمی ئالان ڤە مێشکێ خوە ئاڤابکەن و پێبگەهن و دەولەمەند بن کا دێ چەوا سەرەدەریێ دگەل کەسێن بەرامبەری خوە کەن ،لڤیرێ چەند (ساخلەتێن ) هەین یا گرنگە بۆ کادران ب تایبەتی یێ سیاسی دڤیا بڤی رەنگی بن شارەزایی د جۆگرافی و مێژوو دا-پەیرەو پرۆگرامێ وێ پارتا دناڤدا کار دکت – رەفتارۆ کریاریێن وان وەکی ئێک بن باوەری بخوە هەبت راستگۆ بن دئەرکێ خوە دا -دور ژ ململانێ و مەلاقیێ سۆزو درەوێن بێ کریار-ڤەگۆهاستنا نهێنیا بۆ لایەکێ دەرەکی یانژی نافخوەیی-ئاخافتنێن بێ بنەما -رێزگرتن بۆ یێ بەرامبەری خوە هەبیت وەختێ بەرسڤ دانێدا دور ژ گەندەلیێ-یێ نەفس بچیک و دور ژ مەزناهیێ و یێ خزمەتکار خەلکێ بن عقائیدی بیت-دەمێ تەنگاڤیا قوربانی دەر بیت یێ رژبیت بۆ بەرەڤانێ کرینێ ژ راستیێ-داکۆکەریێ پارتیا خوە بن – دور بین ژ بەرژەوەندیێن کەسۆکی و عەشائیر گەری نەبن -دڤێت کوردستانی بن -نەتەوەپەرست بن بۆ ئاخ و نیشتمانی ملکەچێ بریاریێن دورست بن یێ دو دڵ نەبن باوەری ب وێ رێبازێ هەبیت یا دناڤدا کار دکن ،ژ لایێ مێشکی ڤە یێ بهێز بیت خۆەراگر بن تەنگاڤیا بێ ئۆمێد نەبن ،سەرکەفتنا خوەبایی نەبن دناف خەلکێ دا رێز لێ بهێتە گرتن یێ لاواز نەبن ژلایێ هزری ڤە دڤیا بهێز بن بەرامبەری وی کەسێ دانوستاندن و گەنگەشەکرنێ دا -دڤین یێ ئارام بن دەمێ ئاخافتنێ دا یێ زاڵ بن سەر تۆرەبوونێ- خوەدان هەلوەست بن ژ لایێ رەوشت وئەخلاقی ڤە پاک وتەمیز بن گونەهبار نەبن ب خیانەتکرنێ رێزێ ل رێساویاسا بگرن دڤیا بازرگان نەبن وخەمخۆرێ هەژارۆ بەلنگازابن ئامادەبن سینگ بەرفرهەبن بو رەخنە گرتنێ -باوەری یێ بەرامبەر خوە هەبن ڕێزێ ل بوچوونا وی بگرن ،بریاریێن بلەز نەدن دا پەشێمان نە بن بەرەڤانیێ ل وان کەسێن ستەم لێ دهێتە کرن – بەرژەوندی خواز نەبن – خوە بایی نەبن -خوە ڤەدەرنەکن ژ وان کەسێن دگەل کار دکن د چی ئاست و پلەدا دابن ، ژ بەر ڤان ئەگەران دا ببیە کادرەکێ سەرکەفتی و دور ژ هەر بەرژەوەندیەکێ……
Comments are closed, but trackbacks and pingbacks are open.