▪ کراسێ ڕەنگان

ئەو کراسێ ب گۆلێن
تەیسۆك ڕەنگکری
تەیا ب تەڤنێ فێلێن
خوە کەرکری
رۆژێ چەند ڤیانێن جودا
پێ دجەربینی
کفنێ خوە یێ مریا
ل بەژنا چەند ساخا دئالینی
ما نزانی بارینا پڕمیچکێن
بەفرێ ژی
دەم دەمیە
دگەل با و بارۆڤێ
دهێن و دکەڤن
لێ کەڤی و مشتاخا وان
ب بارانەکێ دچن و دحەلن
ئەڤجار ئێڤارە
ل وان ڤەهینۆکێن تەیێن سار
ب داسا خوەیا نە سەقاکری
کەسێ نە خاپینە
ستێرا گەلاڤێژا سپێدێ
ئەڤە ل دەمێ خوە یێن نوو هەلات
رێیا زڤرینێ روناهیە
تاریێ ل پێشیا کەسێ ڤەنەگەرینە
گرێبەستنا ڤیانێن
دیوارێ سەر بەفرێ
ب جارەکێ ب هەلوەشینە.

سالح حەکیم