▪ کورتە ژیانەکا هونەرمەندێ مەزنێ کورد”شڤان پەروەری”.

راپورت / ئاوارە نێروەیی

هونەرمەند و شڤان پەروەربناڤێ خویێ دروست( ئیسماعیل ئایگونە)ل ( ٢٣/ ٩ /١٩٥٥ز ) ناوچەیا وێرانشار، پارێزگەها رحا، باکورێ کوردستانێ ژدایک بوویە کو ئەسلێ خوە ژ گوندێ کەفەرزا ناوچەیا مدیات ل پارێزگەها ماردینێ یە کو ب هندەک ئەگەران مالباتا وی چوینە باژێرێ رحا.
ھەروەھا ژبلی کارێ خوە یێ ستران گوتنێ و ژەنینا سازێ نڤێسەرە ژی ماموستایێ ئالەتێ سازێ یە ژی کو لبن دەستێ وی گەلەک هونەرمەند و ئاواز ژەن فێرێ ئالەتێ سازێ بوینە هەر ل تەمەنێ گەنجاتیێ دەست کارێ هونەری کیریە هەر ژ سالا ١٩٧٥ هەتا نها بێ ماندی بوون یێ بەردەوامە ل ستران گوتنێ و ژەنینا ئالەتێ سازێ لێ ژبەر هەلویستێن وی یێن سیاسی و کەلتوری مەترسیا دەستەسەرکرنێ ژ لایێ حکوومەتا وی دەمی یا تورکیا دکەڤیتە سەر هەر بڤی ئەگەری ل سالا ١٩٧٦ز ژ کوردستانا تورکیا پەنابەری وەلاتێ ئەلمانیابوو هەتا نها ل وی وەلاتی دژیت نەڤەگەرایە ل سالا ٢٠٠٤ز ل ئەلمانیا «ڕێکخراوا کەلتوری نێڤ نەتەوەیی بناڤێ شڤان پەروەر» دامەزراند.
هەروەها خەلاتێ Grands prix du Disque et Audiovisuels (کو گرنگترین خەلاتێ مۆسیقا فەرەنسیە)ل سالا٢٠٠٤ز ل بەشێ مۆسیقا جیھانی کو ب ئەلبووما ( من بێریا تە کریە ) ئەڤ خەلاتە وەرگرتیە .
هەروەها زێدەتر ژ ٢٥ئەلبوما هەنە و هەمی ژی ل هوزانڤانان و رەوشەنبیریێن کورد وەرگرتینە و کرینە ستران ئەڤ ژی بەشەك ژ ئەلبومێن وی:
گۆڤەندا ئازادیخوازان (١٩٧٥)
ھەڤالێ بارگرانم(١٩٧٦)
ھەرنە پێش (١٩٧٧)
ئەی فەرات (١٩٧٨)
کینە ئەم؟ (١٩٧٩)
ھای دل (١٩٨٠)
گەلێ من ڕابە (١٩٨١)
ئاگری (١٩٨٢)
بلبلو/فەرزێ (١٩٨٣)
دۆتمام (١٩٨٥)
لێ دیلبەرێ (١٩٨٦)
ھەڵەبجە (١٩٨٨)
بلبلێ دلشاد/ھەلەبجە (١٩٨٨)
خەونا من / قاسملۆ(١٩٩١)
زەمبیلفرۆش (١٩٩٢)
یا ستار (١٩٩٥)
نازێ(١٩٩٦)
ھێڤیا تە (١٩٩٩)
ڕۆژ و ھەیڤ (٢٠٠٠)
سارێ (٢٠٠١)
ھەلبەستێن بژارتییێن ١: کریڤێ (٢٠٠٢)
ھەلبەستێن بژارتییێن ٢: کلاسیک (٢٠٠٣)
ھەلبەستێن بژارتییێن ٣ (٢٠٠٤)
من بیریا تە کریە (٢٠٠٤)
دەستانا ڕۆژاڤا (٢٠١١)
شڤاننامە/گازند (٢٠١٣)

دوهی ب بەشداریا هونەرمەند و نڤێسەر و رەوشەنبیریێن کورد یێن باژێرێ دوسیپورگێ ل وەلاتێ ئەلمانیا (٢٠٢٣/١٢/٢٣ز) کونسێرتەک ژبو ٥٠ سالیادا وی یا ستران گوتنێ و ژەنینا ئالەتێ سازێ هاتە گێران .