▪   کوردێن سەیرو سەمەر !!

ناجح بێجانی

دبیت ئەڤ مانشێت یێ سەیر بیت، یا ژوێ سەیرتر من هەڤالەک (مسری )هەبوو، مە پێکڤە شۆل دکر گۆتە : من هوون کورد گەلەک حەز ژ سیاسەتێ دکن ، ژ بەرکو هەر وەختێ دەرفەت هەبا ئەز یێ مژوویلی تەلەفوونێ بم ودا چاڤخشاندنەکێ تێدا کم بزانم چوو ڕوودانێن نووی هەنە، من گۆتێ : وەرە دا ب کورتی بۆ تە ڤەگێرم ئەو ڕوودان و کارەساتێن ب سەرێ مللەتێ کورد هاتن ئێدی ئەڤە بوو دووماهیک پسیار گۆتە : من ب ڕاستی ئەڤە هەمی ب سەرێ وە هاتنە پا بۆچی هەتا نوکە هوون بێ دەولەتن؟ لڤێڕێ بەرسڤدان یا ب زەحمەتە ، لێ بێ دو دلی من گۆتێ : تو ڕاست دبێژی ئارێشا مە یا مەزن خوینا مە کوردان یا تێکەلی سیاسەتێ بووی, لێ هندەک ژ سیاسێن کوردان نوزانن سیاسەتێ بکن، یانژی خودێ ئەو فورسەت پێ نەدایە ژبەردلڕەشییا وان ، بەلکو سیاسەتێ ژی هندەک سالوخەتێن خوە هەنە ئەرکەکێ قورسە و بێنفرەهەی و ڕاستگۆی و نیشتمان پەروەری وئەخلاق پێ دڤێتن بۆ خزمەتکرن وپێشخستن وەرارا جڤاکی ژ پێخمەت دۆزا رەوا یا گەلێ خوە نابت یێ دو دل بت دویر ژ خیانەتێ خوە چەماندنێ بۆ دوژمنان ، ئەوێن ب تنێ بۆ بەرژەوەندیا خوە یا کەسوکی و دویر ژ (ئینتماء )بۆ ئاخ و وەلاتی هەبت، پێدڤی گڕێبەستەکا جڤاکینە دناڤبەرا وان خەلکێ دا ،داکو بشێن دێڤچوونێ بەرانبەر رەفتاڕێن وان بکن ،ژبەر هندێ ئەحمدێ خانی بەری پتر ژ (٣٠٠)ێ سالان داخواز کریە کو کورد ئێکڕێزبن ، هەتا ئەڤرۆ ژی هێشتا هەستا نەتەوەیی ل دەف وان خالەکا لاوزە نەبوویە خالەکا جەوهەری و نەشییانە بکن ئارمانج و بەردەوامییێ پێ بدەن، هندەک ئەحزابێن کوردی هەنە کو ملکەچی ئەجندایێن دەرەکینە ونەشێن ژ بڕێارێن وان دەرەکەفتن دی بینی گۆتارا مە یا سیاسی ژی نە گۆتارەکا نێشتمانییە، بەلکو یا بەرتەوازی یە ،گۆتارەک ل دویف حەز وڤیانا خەلکێ دیتر دهێتە نڤیسین ، هەبوونا جۆرەک ژ پارتێن سیاسی ێین کوردستانێ و بەرژەوەندخوازن ئەگەرێن نە ئێکڕێزو تەباییێ یە، وەکو جەنابێ ( مسرور بارازنی) فەرمووی (ئەویێن ل تەنگاڤییا بەرپرسایەتییێ هەلنەگرن بلا پاشە ڕۆژێ ل سەرکەفتنێ خوە نەکن شەریک ) ئانکو هەمی جاران پتر بەرەڤانی ژ دۆژمنان دکن و دژی پارتی ڕادوەستین ،وەکو میناک : چەند ئەندام پەرلەمان ل پەرلەمانێ ئێراقێ هەنە ب ناڤ کوردن لێ د دەروونێ خوەدا کێمتر نین ژ شۆڤینین ئەرەب دبێژن: ئەم راسپاردیێن حزبێن خوە جێ بەجێ دکن ئەگەر دژی هەرێمێ ژی بت ل دەف وان ئاساییە و دەست دناڤ دەستێ (یوسف الکیلابی و عودەی عەواد ومستەفا سەنەد ) هەر ئەڤە ژێ دئێتە چاڤەڕێکرن ، ئەرێ ئەویێن فۆکسا وان ل سەر هندێ بتن هەرێم بهێتە هەلوەشاندن، سەرەرایی قوربانیدان و روحا ڤان هەمی جانگۆڕیییا ژ بەر چ و بۆچی ؟ بێکو پسیارەکا ژ وژدانا خوە بکن چ ژوان دهێتە چاڤەرێکرن بۆ دەولەتبوونێ،ئەڤرۆکە ل کوردستانێ دو بەرە دورست بوونە یێ ئێکێ نیشتمانییە ودڤێتن کوردستانێ بگەهینە کەنارەکا ئارام ئاڤەدانییێ کو پارتی دیس ممموکراتی سەرکێشا وێ دکت و ڕاستگۆیانە بەرەڤانییێ ژ هەرێمەکا فیدرال یا دەستووری کت ، بەرێ دوێ ژی کار دکن و دەست دگەل دۆژمنا تێکەل کریە بۆ هەلوەشاندنا هەرێما کوردستانێێ ب تایبەتی دژی پارتی ، ژبەرکو باش دزانن ب تنێ پارتی خودانێ کوردستانێ یە ودۆژمن ژی ئەڤێ چەندێ باش دزانن ، لەوما بەردەوام پشتەڤانییا هندەک پارتێن سیاسی دکن بەلکو ب ڕێیا وان پلانێن وان سەر بگرن ، بمخابنڤە جلێن کوردی ل بە خوە دکن ب زمانێ شرێنێ کوردی د ئاخڤن ، لێ دناڤ دل دا ژەهرێ دڕێژن دژی خەلکێ کوردستانێ.