ئاوارە نێروەیی
کۆڕبەندێ ئابووری و وەبەرهێاننی ئەڵمانیا – کوردستان ل باژێڕێ بەڕلین یێ پایتەختێ ئەڵمانیا کو ژلایێ کۆمەڵا دۆستانیا کورد و ئەڵمانان ڤە دهێتە ئەنجامدان ئەڤرۆ دەستپێکر و دپێنج پەنەڵاندا بەحسا بەرفرەهترکرن و بهێز ئێخستنا کەرتێ وەبەرهێنانێ و بازڕگانیا دناڤبەرا هەرێما کوردستانێ و ئەڵمانیا دا دهێتەکرن و کو شاندەک ژ دەستەیا وەبەرهێنانێ پێکهاتی ژ بەڕێزان سەرۆکێ دەستەیا وەبەرهێنانێ، د.محەمەد شوکری و رێڤەبەرێ گشتی یێ وەبەرهێنانا دهۆکێ ئەندازیار کوردۆ ئحسان عەبدولسەمەد و چەند رێڤەبەر و کاربدەستێن دیتر یێن دەستەیا ناڤبری تێدا بەشدارن.
دپانێلەکیدا بەڕێز سەرۆکێ دەستەیا وەبەرهێنانێ بەڕێز د. محەمەد شوکری و وەزیرا دەولەتێ بۆ خوارن و چاندنیێ سیلڤیا بێندەر، بەحسا بهێز ئێخستنا هەڤکاری و هەڤاهەنگیا دناڤبەرا ئەڵمانیا و کوردستانێ دوارێن پیشەسازی، چاندنێ، بیناسازیێ، گەشتیاری و بازڕگانیێ دا کر.
هەر دیسان دپانێڵەکێ دیتر دا ژی بەڕێز رێڤەبەرێ گشتی یێ وەبەرهێنانا دهۆکێ، ئەندازیار کوردۆ ئحسان ژی بەحسا دەستەخۆشکیا جۆت باژێڕان دناڤبەرا ئەڵمانیا و کوردستانێ دا کر و تێدا بەحسا پڕؤژەیێن وەبەرهێنانێ ل پارێزگەها دهۆکێ کر تایبەت ئەو پڕؤژەیێن کو بۆ ژێرخانا هەرێما کوردستانێ دستراتیژینە.
هەروەسا بەڕێز وەزیرێ وەزیری بازرگانی و پیشەسازیا هەرێما کوردستانێ و ژووری بازرگانی و پیشەسازی هەولێر، ئێکەتیا وەبەرهێنەرێن کوردستانێ، ئێکەتیا هاوردە و هنارتنا کوردستانێ و سەرۆکێ زانینگەها دهۆکێ و جێگرێ پارێزگارێ دهۆکێ و چەندین بەرپرسێن دیتر ژ هەرێما کوردستانێ د وی کۆڕبەندیدا دبەشدارن.
Comments are closed, but trackbacks and pingbacks are open.