▪ کێشەیێن گەنجان و بێکاریێ

ئاوارە نێروەیی

کێشەیێن گەنجان و بێکاریێ تا چەند گرنگە لسەر بێکاریێ و چارەسەریێن وان راوەستاندنەکێ بکەین ، بۆ هندێ دا ئەڤ رێژا بێکاری هەی تا رادەکێ کێمتر ببیت و ئەگەر خاندنەکێ بۆ وان کۆما گەنجان یێن روو دکەنە دەرڤەی وەلاتی ب هەر ئەگەرەکێ لێ سەدەما وان یا سەرەکی بێکاریە .

د دیدارەکێدا دگەل “زێرەڤان ئەمین”; ماموستایێ زانکویا دهوک، شارەزا ل بوارێ ئاشتى وچارەسەرکرنا ململانان گوتژی ئەگەر و ئاریشە یێن بێکاری چنە …؟

زێیێ بادینان: ئەرێ گەنج چەند پێدڤی ب شارەزای و خۆ رەوشەنبیرکرنێیە .

ماموستا زێرەڤان ئەمین :دەم دەمێ شارەزاییا یە، وسەردەم ژی سەردەمێ شیانێ باشە، لەورا بەردەوام گەنج پێدڤی ب شارەزایێن باشە وپێدڤی ب خورەوشنەبیرکرنێ یە، دا بشێت کارەکێ باش بدەست خو بێخیت، وژیانەکا شاد وسەرفەراز پێ ببەتە سەری، وهەر کارەکێ بکەت ژی دڤێت بەردەوام خو پتر تێدا شارەزا بکەت، چونکە کار بەردەوام دهێنە گوهوڕین، وگەلەک کار یێ ژناف دچین یان بەرەف ژنافچوونێ نە، وهندەک کارێن نووى پەیدا دبن، لەورا بەردەوامییا خوشارەزاکرنێ وخورەوشەنبیرکرنێ یا فەرە بۆ هەر کەسەکى ب تایبەت گەنجان.

زێیێ بادینان: ئەرێ چ چارەسەری بو ڤێ دیاردێ هەیە.

ماموستا زێرەڤان ئەمین: چارەسەری ئەوە ل سەر سازیێن فەرمى ل هەرێم کوردستانێ بەردەوام سیستەمێ خواندنێ نووکەتە ڤە ل دویف پێدڤیا بازاری وپێشهاتێن نووی، هەروەسا ل سەر سازیێن نیمچە فەرمى ونەفەرمى ژی پتر ل سەر ڤێ پرسێ کاربکەن، وەک سازیێن جڤاکێ سڤیل (کەرتێ سیێ) وکەرتێ دوو (کەرتێ تایبەت) ڤان هەولان بدە، دا بشێن هەر خزمەتا خو ژی بکەن، هەم خزمەتا میللەتی ژی ب تایبەت تەخا گەنجان، ول سەر گەنجی ب خو ژی بەردەوام ل سەر خو کاربکەت، کو ل جهێن فێرکرنێ وراهێنانێ بگەریت، و خو بخو برێکا خول وورکشوپێن ئونلاین یێن ب کوالتیەکا باش وخواندنا پەرتووکێ، باش خو پتر فێر بکە دا پتر شارەزا ببیت، هەر بۆ کەسایەتییا خو هەر بۆ کر ورێڤەبرنا ژیانا خو ب باشترین وجوانترین شێواز.

زێیێ بادینان: ئەرێ ما نە ئەرکێ کاربەدەستان و جڤاکیە چارەسەريەکا گونجای بو ڤێ بێکاریێ بینەڤە..

ماموستا زێرەڤان ئەمین:ئەرکێ هەمى سازیێن حکومەتا هەرێمێ یە، تایبەت یێن فەرمى، بەلێ ئەرکێ جڤاکی ب خو ژی یە، چونکە گەنج ئەمانەتى ڤان سازییان وڤی جڤاکی یە، وئایند وپاشەروژا ڤی میللەتى یە، دهەمان دەم دا ئەرکێ گەنجی ب خو ژی یە، چونکە ژیان ژیانا وى یە، وکێشە کێشا وى یە بەری هەر کەسەکی یان لایەنەکى.

زێیێ بادینان:ئەرێ سوشیال میدیا چەندا هاریکارە بوکێشەیا بێکاریێ لناڤا گەنجان دا.

ماموستا زێرەڤان ئەمین: سوشیال میدیا وتورێن پەیەندیێن جڤاکی هەم کار ژبۆ بێکارێ دکەت، هەم پالدرەک ورێکەکە بۆ بکاربوونێ ودیتنا دلیڤێن کاری وبەردەوام خو شارەزاکرن وخو پێشئێخستنێ ژی چونکە دەمەکێ درێژ ل سەر ڤان توران دهێتە بوراندن، وبێ بەرهەم وبێ مفا، وبێ کار، بەلێ ئەگەر جوان رەفتار ل گەل بهێتە کرن، دشیان دایە دەلیڤێن باش یێن کاری بۆ گەنجان پەیدا بکەت، دیسان بۆ خو شارەزاکرن وخوە رەوشەنیرکرنێ ژی.