هێشو دارا سلیم
کاری ڕێکخراوەیی بەشێکە لە سیماکانی کۆمەڵگەی مەدەنی لە سیستەمی دیموکراسیدا هەمیشە ڕێکخراوەکان چالاك و ئەکتیڤن و ڕۆڵی گەورە دەبینن لە هۆشیارکردنەوەی تاك و کۆمەڵگادا
ڕێکخراوەکان دەبنە میکانیزمی ئاشناکردنی هاوڵاتیان بە ماف وئەرکەکانیان و وادەکەن هاوڵاتی بزانێت چۆن داوای مافەکانی خۆی بکات، ڕێکخراوەکان وادەکەن هاوڵاتی ڕۆشنبیر و خاوەن ڕای خۆی بێت و لەگەڵ ڕوداو و گۆڕانکاریەکاندا هەنگاوبنێت.
ڕێکخراوەکانی کۆمەڵگای مەدەنی دەبنە هۆی ئەوەی داواوخواستی چین و توێژەکان بگەیەنن بەدەسەڵات و فشار دروستبکەن لەپێناو بەدیهێنانی ئامانجەکانیان، هەروەها دەبنە مایەی کۆکردنەوەی تواناکان و یەکخستنی تواناکان و دۆزینەوەی لێهاتووییەکان و ئاراستەکردنیان بەرەو چاکەی گشتی و سودی کۆمەڵگە بەگشتی.
ڕێکخراوی کۆمەڵگای مەدەنی زۆر باش دەتوانێت خزمەت بکات لە ڕوبەرێکی فراواندا و خۆی قەتیس نەکات لە چوارچێوەی بیرێکی تەسكدا، بەڵکو هەمیشە خۆی بە میکانیزمی گەشەپیدانی تەواوی کۆمەڵگە بزانێت بە گشت بیروبۆچوونە جیاوازەکانەوە، ئەمەش دەبێتە خاڵێکی بەهێز بۆ ڕێکخراوەکان.
ڕێکخراوی کۆمەڵگەی مەدەنی بۆ ئەوەی کارو چالاکیەکانی کاریگەریان هەبێت پێویستە گرنگی بەکوالێتی کارەکانی بدات و کارەکانی پوخت و کاریگەربن نەوەك تەنها مەبەستی ژمارەی زۆری چالاکی بێت بەبێ گویدانە کاریگەری و بایەخەکەی.
Comments are closed, but trackbacks and pingbacks are open.