بێوارحسێن زێباری ـ ھەولێر :
سەردەمێ بەرێ کو زێدەتر خاندنەکێ بۆ بکەین ئەوە کو ل سەردەمێ شۆڕەشێ تیشک بێخینە سەر ڕۆل و پێگه‌هێ گه‌نجی وی دەمیدا، بێگۆمان ل وی دەمی نەک گه‌نج بەڵکو ژیان ژی یا ب سەخت و زەحمەت بوویە و بۆ هه‌می ته‌خان نه‌ك تنێ بۆ وانا به‌لێ وانا ژی چ ته‌قسیری نه‌كریه و ڕۆله‌كێ به‌رچاڤ هه‌بوویه، ئەگەر بەحس وان پێدڤیێن وان بكه‌ین یان كار و بارێن وان ئه‌نجام دایی کو ھەتا دەستڤەھاتیین ژیانێ ژی وەک خزمەتگوزاری زۆر ئاستەنگ ھەبووینە ئەو ژی ل وی دەمی دا گوند بخۆ ل دوویر بووینە ژ جادەیان و ھەر ترۆمبێل و جادە ژی ب سەخت بووینە و دڤیا ببیە دوویر بن ژ باژیر و جھێن ئاسان، چونکی ئەو سەردەمە سەردەمێن سەخت بووینە .
بەلێ ژبلی وان کاودان و نەخۆشیان ژی کو ب سەر مللەتی کورد دا ھاتی ئەو بوویە کو بەردەوام خەلکێ مە یێ دەربەدەر و شەڕاندا بووینە و لەوما ئەو بوویە ئەگەر كو گه‌نج ژی مل ب ملێ زه‌لام و پێشگه‌هێن ل وی ده‌میدا وان ژی خه‌بات و به‌رخۆدان كرینه وئه‌و بووینه ئه‌گه‌رێ ب ده‌ستڤه‌ئینانا ده‌هان ده‌ستكه‌فتان ژی بۆ ملله‌تێ كورد .
ئەڤە ژی نەبوویە ئەگەرێ ھندێ کو دڵ سارییەک ژلایێ گەلێ کورد دروست بیت بەرۆڤاژی ڤێ یەکێ کو خەلکێ مە زۆر ڕژتر بوویە ل سەر وان دەستکەفت و بھایێن ژیانا خوە پاراستینە و گەھشتنێ ژی کو ئەو ژی بەرھەم و ھێڤینێ ڤان شۆڕەشان بووینه .
سەردەمێ شۆڕەشا ئەیلولێ کو وەک دھێتە زانین و دیار ژی بوویە کو نەک تنی د چینا لاوان دا بەڵکو تەڤایا کەسێن دیتر ژی ھند گرنگ نەدا یە مووچە و هه‌ر كه‌س هزر د هندێ دا ژی نه‌كریه و ببیت ڕۆژه‌كێ كا چ بكه‌ت بۆ ملا خۆ ژی به‌لێ تنێ به‌رێ وان ژ هندێ بوویه كا كه‌نگی ڕابن ده‌ركگه‌تنا دۆژمنان ژ سه‌ر ڤێ ئاخا پیرۆز نه‌هێڵن . ھەتا ھەبیت ژی کێم بوویە و ب دینار بوویە ل وی دەمی بەلێ ھەر زێدەتر چاڤێ وان زێدەتر دەستکەفتێن مللەتێ مە بووینە و ھەر ل مال نەبووینە و ل شاخ بین دبیت ب ھەیڤان ھەر مالێت خوە نەدیت بن یان چ زانیاری لێ نەد زانین و بەردەوام ژی مل ب ملێ ئیک بن بووینە بۆ زێدەتر پاراستنا ئاخ و سامانێ مە یێ کورد ژ دەستێ دوژمناندا بینەدەرێ کو ئەڤرۆکە بووینە خودانێ زمانێ خوە یێ دایکێ .
ژبلی ل وان ئاستەنگ و نەھامەتەیانە ب سەر مللەتی مە ھاتی ئەو ژی عیراقێ بەردەوام ئاستەنگ دئێخستنە بەر وان كه‌سێن شیان هه‌بن تایبه‌ت د وارێ گه‌نجان چونكی ئه‌و ل وی ده‌میدا زۆر شیان هه‌بوویه‌نه له‌وما چاڤێ وان زێده‌تر ل سه‌ر وان هه‌بوویه و ل باشوورێ کوردستانێ، ئەو ژی وەنەکر زۆر و ب ئازادی قوتابخانە بھێنە ڤەکرن یان ژی نە دابین کرنا پێدڤیێن وان و گه‌نج هه‌ر گه‌نجا تیا خوه نه‌د زانی و نه‌د دزانی ژی كو گه‌نج ژی چییه و دگەل ڤەکێشان و نەھێلانا وانا ل زۆر جھــ و دەڤەرێن جودا جودا ل کوردستانێ ئەڤە ژی بوویە ئێک ژ ئاریشەیان کو زێدەتر گرنگی و ڕۆل نەبیت د وارێن جودا جودا دا، بەلێ وەکی مە دەستپێکێ گوتی،خەلکێ مە دەست ھەر دانەھێلان و بەردەوام بووینە .
دیسا ژی ئەو گه‌نجێن وی دەمیدا ژی ژبلی کارێ خوە یێ لاوانی نه‌د زانی کو دگەل پێشمەرگەھان ژی شەڕ دکر و ھەتا زارۆکێن وان فێر کرن و پاراستن ژی کو تایبەت فرۆکین وان ھاتبانە سەر گوند و دەڤەرێن جودا وی دەمیدا چ گه‌نج یان ئافرەت و ھەرکەسەک ل گوندی بایە دا وان قوتابیان و زارۆكان بەتە ناڤ شکەفتەکی یان جھەکێ پارێزیت.
ئەڤ ئەگەرە و چەندێن دیتر ژی بەڵگەنە بۆ ھندێ کو گه‌نجان و مللەتێ مە مەیڵا وان ژلایێ مووچە و داھاتێ دونیایی ڤە نەبوویە و تنێ وان دڤیا بگەھیتە دەستکەفتێن زێدەتر و پاراستنا ئاخ و نیشتمان و کەرامە تا مللەتی ژ دەستێ دۆژمنی دا پارێزن.
گه‌نجێن وی سەردەمی دا كو ل شۆڕەشێ بووینه قه‌ره‌مان و تا نوكه ژی ڕۆل و پێگه‌هێ وان مایه و شوین تبلێن وان ماینه و ئه‌و ڕێبازه ئه‌م نها ل دچین، کو ئەو ژی ھەم پێشمەرگەھــ و ڕێنجبەر و جوتیار بووینە ھەم ژی لاو دلسۆزێن گه‌ل و وه‌لاتی بووینە.
سه‌رنڤیسه‌رێ . گوڤار و مالپه‌ڕێ ( زێیێ بادینان).
Comments are closed, but trackbacks and pingbacks are open.