دەڤەردارێ شنگالێ دیار کر، گوندى کۆجۆ دێ بیتە مۆزەخانا جینۆسایدا شنگالێ و ل شوونا وى گوندەکێ نوو دێ هێتە ئاڤاکرن و هەموو تاوانێن تیرۆرستێن داعشێ د ناڤ گوندى دا دێ وەکو خوە مینن، داکو هەر کەسێ قەستا شنگالێ بکەت بزانیت تیرۆرستێن داعشێ ل سالا 2014ێ چو ب سەرێ ئێزدیان ئینایە.
نایف سەیدۆ، دەڤەردارێ شنگالێ ب وەکالەت بۆ رۆژناما ئەڤرۆ گۆت: “دەمێ تیرۆرستێن داعشێ ل سالا 2014ێ هیرشى سەر شنگالێ کرى، ل وى دەمى هەموو خەلکێ گوندێ کۆجۆ دەستەسەرکرن و د ناڤ قوتابخانەیا گوندێ دا کۆمکرن و کۆمەلکوژ کرن، نوکە بڕیار هاتیەدان گوندێ کۆجۆ ببیتە مۆزەخانا جینۆسایدا شنگالێ، لەو ئەو گوندە ناهێتە ئاڤاکرن و ب رەخ گوندێ کەڤن ڤە گوندەکێ نوو بۆ خەلکێ گوندێ کۆجۆ دێ هێتە ئاڤاکرن”.
ئاشکرا ژى کر، رێکخراوەک دێ گوندەکێ نوو ل شوونا گوندێ کەڤن یێ کۆجۆ ئاڤاکەت و پتر ژ 100 خانیان بۆ خەلکێ کۆجۆ دێ هێنە ئاڤاکرن.
Comments are closed, but trackbacks and pingbacks are open.