سالار محەمەد فەتاح
دبێژن گەنج گەنجینە نە، و تا ئاستەکێ باش دناڤا کومەلگەها کوردستانی دا، گەنج مینا گەنجینەکێ ژ لایێ کومەلگەهێ ڤە هاتیە دیتن، و ئەڤرۆ ژی وەک ئەم دبینن ژ هوکارێ جیهانگێری و پەیدابوونا تەکنلوجیایێ و ئامیرێن سەردەم، پتر ڕۆناهیا ژیانێ د قولاچێن تاری دا دەرکەڤتی یە، و گەنج پتر خوە د بوارێن ژیانێ دا دبینیت ل بەرامبەر ئاوێنەیا حەز و هێڤییان. ئەڤرۆ دخۆازم سەرنجا پێنوسێ خوە ب دانمە سەر گەنجەکێ بەرهەمدار، و خودان هزر و دیتنێن پرێ زانست و پێشکەڤتن…
وعداللە ئیبراهیم، گەنجەکێ خویندکار و ل قوناغا زانستی یا خواندنا بلند، ل بەشێ پەرستاری ل زانینگەها ئەمریکی-کوردستان. ئەڤ کورە گەنجە رابوویە ب دانانا پرۆگرامەکێ پێشکەڤتی دناڤا سوشالمیدیایێ دا، ل دور بابەتێن تەندروستی، و شاشیێن کومەلگەهێ د دیتنا تەندروستی ب ڕێکا مایکا خوە یا میدیایا کومەلگەهێ ب ناڤێ (medimic)، ئەڤی گەنجی ل جوتمەها ئەڤ سالە دەست ب ڤی کارێ پیرۆزکرییە، تا نها ژی کومەکا پارچە ڤیدیویێن شیرەتکاری بەلاڤکرینە.
ژ هەژی گۆتنێ یە بێژین، وعداللە د هزر و دیتنێن خوە دا مینا یاریکەرێ یەدەک یێ یانەیەکا تەندروستی هاتییە دیتن، و ئەو یاریکەرە د قوناغێن ڕاهێنانێن هزری دا دایە، کو بەردەوام نەخشەیێ دروستکرنا سەرکەڤتنا خوە د مێشکێ خوە دا دروست دکەت.
هەول و تێکوشینێ ژ بۆ وێ چەندێ دکەت کو ب دیتنا دەرگەهەکێ مەزن دا دەرباز ببیت و بەرەڤ جیهانەکا مەزنا زانستی ڤە بچیت، و ببیتە فاکتەرەکێ بهێز یێ خزمەتکرنا کومەلگەها کوردستانێ و نیڤدەولەتی ژ بۆ پاراستنا مرۆڤایەتیێ ژ شاشیێن تەندروستی.
وعداللە ئێکە ژ ئەندامێن ڕێکخراوا (ئالاس- یا تەندروستی)، هەروەسان ل دویڤ وان گڤتوگۆیێن نە ڕاستەوخۆ یێن من دگەل دا ئەنجامداین بۆ من ئەو یەک دیاربوو کو ئەڤی کورە گەنجێ کورد هەستا وێ یەکێ هەیە، دناڤا تەندرەستییا نیڤدەولەتی دا کار بکەت، و بشێت ڕۆلەکێ بەرچاڤ وەک گەنجەکێ کورد دناڤا تە درەستییا جیهانێ دا ببینیت، و ببیتە فاکتەرەک ژ گەنجێن کورد د پێشڤەبرنا تە دروستیێ دا. و بەردەوامە ل سەر دەستڤەئینانا حەز و ئارەزویێن خۆ د ژیانێ دا، و پێش نوکە ژی ب ڕێکا تورا خو یا جڤاکی بۆ ماوەیێ ٨ سالان بەردەوامبوویە د بەلاڤکرنا داتا و زانیاریێن گشتی دا ل سەر تورێن (فیسبوک+ ینستگرام…هتد).
مینا ڕۆژنامەڤانەک، ئەز دخۆازم ژ لایێ حکومەتا هەرێما کوردستانێ و هەمو سازی و لایەنێن کوردستانێ یين حکومی و نە حکومی، پالپشتیا گەنجێن ب میناکا ڤی کورە گەنجی بهێنە کرن، داکو ئەم بشێن د جیهانبینینەکا پری زانست و سەرکەڤتن دا بژین، چونکی ئەم دبێژین گەنج گەنجینەیە…
Comments are closed, but trackbacks and pingbacks are open.