حوکمەتا عێراقێ بەرھەڤیان بۆ تەمام کرنا پڕۆژێ قانوونا بودجەی دکەت و پەرلەمانتارەک ژی پێشبینی دکەت ھەیڤا بهێت پڕۆژێ قانوونێ بگەھیتە پەرلەمانی و کار بۆ بھێتەکرن بکەڤیتە دەنگدانێ ب مەرەما پەسەندکرنێ.
خدر عەلی، ئەندامێ فڕاکسیۆنا پارتی ل پەرلەمانێ عێراقێ بۆ ئاژانسا خانی دیارکر” چەندین پڕۆژە قانوون بۆ کۆمبوونێن بهێت یێن پەرلەمانی ھاتینە بەرھەڤکرن و کار لسەر چەندین پڕۆژەیێن دیژی دھێتەکرن بۆ بەرھەڤکرنێ، بەلێ ھەتا نوکە دەمێ گەھشتنا پڕۆژێ قانوونا بودجێ عێراقێ دیار نینە دێ کەنگی گەھیته پەرلەمانی و کار بۆ پەسەندکرنا قانوونا بودجەی بھێتەکرن، ژبەرکو ھێشتا کار لسەر بەرھەڤکرنا رەشنڤیسا پڕۆژێ قانوونا بودجەی دھێتەکرن و نەگەھشتینە قۆناغێن دوماھیێ ھەتا حوکمەت پێشکەشی پەرلەمانی بکەت.
خدر عەلی گۆتژی” ل گورەی زانیاریێن بەردەست ھێشتا بۆچوونێن جودا لسەر پڕۆژێ قانوونا بودجەی ھەنە و داخویانیێن لدۆر بابەتێ بودجەی دھێنە بەلاڤکرن ھەر تنێ پێشبینیە دھێتەکرن، ئەز باوەرم دێ ھاتنا بودجەی بۆ پەرلەمانی کەڤیتە ھەیڤا شوباتا داھاتی و ڤێ ھەیڤێ دەم نەمایە و زەحمەتە، بێگومان پشتی پەرلەمانی ژی کار لسەر دھێتەکرن و دیار نینە دێ چەند ڤەکێشیت بۆ پەسەندکرنێ.
Comments are closed, but trackbacks and pingbacks are open.