101 سالان وه‌ك ئه‌ڤرۆ سویایێ ئیراقێ هاتیه دامه‌زراندن، پشتى ئه‌ڤان هه‌موو مێژوویان هێشتا پشكه‌ك ژ پێكهاتان سوپایێ ئیراقێ ب یێ خوه نزانن و شانازیێ پێ ناكه‌ن.
د بیره‌وه‌ریا 101 سالیا سۆپایێ ئیراقێ سه‌ركردێن ئیراقێ په‌یامێن جودا هه‌نه، مسته‌فا كازمى سه‌رۆكوه‌زیرێن ئیراقێ راگه‌هاند: سوپا ئیراقه‌كا سه‌ربلندا ئازاده. موقته‌دا سه‌در، رێبه‌رێ ره‌وه‌تا سه‌در راگه‌هاند: د گرنگترین سیفه‌تێ سوپایدا حه‌ژێكرنا وه‌لاتییه و من گۆلێ نه‌بوویه سوپا منه‌تێ ل سه‌ر خه‌لكى بكه‌ت، د به‌رهنگاربوونا تیرۆر و رزگاركرنا ده‌ڤه‌رێ.قاسم محه‌مه‌د، فه‌رماندێ هێزین هشكاتیێ ل ئیراقێ دیاركر: دڤێ خۆلا جڤاتا نوونه‌راندا خزمه‌تا له‌شكه‌رى یا ب زۆرى دێ هێته په‌سه‌ندكرن.
پشتى شه‌رێ جیهانیێ ئێكێ سالا ( 1914 هه‌تا 1918) ده‌ستهه‌لاتا عۆسمانیا ل ئیراقێ داوى ئینا بریتانى شیان ده‌ستهه‌لاتێ بگرنه به‌ر، سالا 1920 ئێكه‌م كابینه‌یا حكومه‌تا ئیراقێ هاته پێكئینان.
داوییا وێ سالێ ئێكه‌م یه‌كا له‌شكه‌رێ سوپایێ ئیراقێ ل 6 مه‌ها كانوونا دووێ سالا 1921 ل به‌غدا هاته پێكئینان، ژ ئالییێ كۆمه‌كا ئه‌فسه‌رێن كورد و عه‌ره‌ب ب سه‌رۆكاتییا جه‌نه‌رال جه‌عفه‌ر پاشا عه‌سكه‌رى كو ئه‌فسه‌ره‌كێ كورده وه‌لاتییێ باژێرێ كه‌ركوكێ بوو.
ئێكه‌م پێكهاته‌یا سوپایى 14 ئه‌فسه‌ر بوون ژ وان 8 كورد بوون ب ناڤێ جەعفەر مستەفا عەسكەری سەرۆكی دەستەیا دامەزرێنەر، عەقید حەمید ئەحمەد ئەندامێ دەستەیا دامەزرێنەر، رائید سەعید محەمەد نوونەرێ فەرماندەیێ، رائید بەكر سدقی عەسكەری نوونەرێ سەرۆك، رائید تۆفیق وەهبی بەگ ئامر كۆلیژا له‌شكه‌رى، رائید عەبدولرەزاق حلمی، نەقیب حەسەن حوسێن عەسكەری، نەقیب محەمەد ئەمین زەكی بەگ.
Comments are closed, but trackbacks and pingbacks are open.