بەرپرسێ راگەهاندنا رێڤەبەرییا گشتی یا کاروبارێن مین و تەقەمەنییان راگه‌هاند، ب مەرەما پاراستنا سه‌لامەتی و گیانێ وەلاتییان، رێڤەبەرییا گشتی یا کاروبارێن مین و تەقەمەنییان ل پارێزگەها دهۆکێ 11 مینێن چاندی ل زاخۆ دیتن و راکرن.
رێگر شافی، بەرپرسێ راگەهاندنا رێڤەبەرییا گشتی یا کاروبارێن مین و تەقەمەنیان ل پارێزگەها دهۆکێ بۆ ئاژانسا خانی گۆت: د هەوەکا لێگەریانێ دا ژلایێ پاسەوانێن سنۆری یێن سەر ب ناحیا کانی ماسێ ڤه و ب هەڤکاری لگەل تیما EOD یا رێڤەبەرییا گشتى یا کاروبارێن مینان ل پارێزگەها دهوکێ، 11 مینێن چاندی ل سنۆرێ ئیدارا سەربه‌خۆ یا زاخۆ هاتنە دیتن.
گۆت ژی: هەموو ئەو مین یێن دژە کەسی بوون و مەترسییەکا راستەوخۆ ل سەر گیانێ وەلاتییان دروست دکەن، داکو گیانێ وەلاتیان سه‌لامەت بیت، ئەو مین هاتنە ڤەگۆهاستن دا بهێنە ژناڤبرن.
داخواز ژی ژ هەموو وەلاتییان كر کو هەرکەسێ مین و تەقەمەنییەکێ ببینیت ل سەر هێلا 182 وان ئاگەهدار بکەت، داکو ب رێیا تیمێن تایبەتمەند ئەو مەترسی ل سەر گیانێ وەلاتیان بهێتە راکرن.
Comments are closed, but trackbacks and pingbacks are open.