ئیرۆ، یەکشەمبێ، وەزارەتا بەرەڤانییا سووریێ راگه‌هاند، د ئەنجاما ئێریشا شەڤا بۆری دا ل سەر پاسه‌كا لەشکەری، کو ژ ئالیێ تەرۆریستان ڤە ل بیابانا پالمیرایێ هاتبوو ئەنجام دان، 13 ئەندامێن هێزێن وێ هاتن کوشتن.
وەزارەتا بەرەڤانییا سووریێ راگه‌هاند، دوهی دانێ نیڤرۆ 6/3/2022 دەمژمێر 13:30ێ نیڤرۆ، پاسه‌كا لەشکەری ل بیابانا پالمیرا، راستی ئێریشا تەرۆریستان هات، ئێریش ب چەکێن جور ب جور هات کرن و د ئەنجامێ دا 13 سەرباز هاتن کوشتن، ژ وان هەژمارەک لەشکەر، ئەفسەر و 18 لەشکەر ژی بریندار بوون.
ژ ئالیێ خوە ڤە، “رەوانگەها سووری بۆ مافێن مرۆڤ” ئیرۆ ل سەر زارێ چاڤکانیێن خوە راگهاند کو شانه‌یێن رێخستنا “داعشێ” سپێده‌هییا رۆژا یەکشەمبێ ئێریشەک بەرفەرەهـ، ل سەر جهێن کو هێزێن حکوومەتا سووریێ و چەکدارێن هەڤالبەندێن وێ لێ نە، ل نێزی گوندێ ئەل سەواب ل قەرەقۆلا T2 یا ل کووراهییا بادیا سووریێ، ئه‌نجام دا.
رەوانگەهێ گۆت کو چەکدارێن داعشێ ژ شەرت و مەرجێن هەوایێ و باهۆزا تۆزێ یا کو ب بیابانا سووریێ كه‌تییه، سوود وەردگرن و ئه‌ڤ ئێریش پێكئانییه.
Comments are closed, but trackbacks and pingbacks are open.