په‌یڤدارێ وه‌زاره‌تا كاره‌با حكومه‌تا هه‌رێما كوردستانێ راگه‌هاند، بارانێن زور و زێده‌بوونا ئاڤێ ل هه‌ردوو به‌نداڤێن دوكان و ده‌ربه‌ندیخان، دێ بیته ئه‌گه‌رێ به‌رهه‌مئینانا زێده‌تر كاره‌بێ ل هه‌ردوو وێستگه‌هێن كارۆئاڤێ.
ئومێد ئەحمەد په‌یڤدارێ وه‌زاره‌تا كاره‌بێ راگه‌هاند، به‌رهه‌مئینانا كاره‌با هه‌رێما كوردستانێ، ژبلى وێستگه‌هێن گاز و په‌ترۆلا ره‌ش و گازوایلێ، پشت ب دوو وێستگه‌هێن مه‌زنێن كارۆئاڤی دبه‌ستیت، ئه‌و ژى وێستگه‌هێن ده‌ربه‌ندیخان و دووكانه.
ناڤبرى دیار ژى كر، ئه‌و دوو وێستگه‌هـ پشت ب ئاڤا بارانێ دبه‌ستن، و لدووڤ پلانه‌كا به‌ر‌دانا ئاڤێ ژ وه‌زاره‌تا چاندن و ژێده‌رێن ئاڤێ یێن هه‌رێما كوردستانێ و هه‌ماهه‌نگى دگه‌ل وه‌زاره‌تا ئاڤا حكوومه‌تا فیدرال هاتیه دارشتن ، ب ڤى ره‌نگى كاره‌ب ل دوو وێستگه‌هان دێ هێته به‌رهه‌مئینان و دێ تێكه‌لى تورا كاره‌با نیشتیمانى یا هه‌رێما كوردستانێ هێته‌كرن.
Comments are closed, but trackbacks and pingbacks are open.