کرنا ئەلغامان بەری ب پەقن

ناجح بێجانی :

ل دووماهیکا سالا( ٢٠١٦)ێ بوو د سەرەدانەکا جەنابێ (سەرۆک بارزانی ) بوو باژێرێ بەعشیقە، پشتی ژ دەستێن تیرورستێن (داعشێ) رزگاربووی ب هێزو زەندیێن پێشمەرگەی د ئاخفتنەک خودا کەرمکرو گۆت: ئەلغامێن لەشکری مە راکرن و لێ هندەک ئەلغامێن سیاسی یێن مایین د رێیا مەدا و ب ئانەهییا خودێ وان ژی ئێک ل دویف ئێک دێ راکەن و ژ ناڤبەین ، لەوما پشتی بۆرینا نێزیکی (٧)ێ سالان بۆ من ئەو هزر چێبوو، ل ڤێرێ دوبارە دێ بێژم پيشبینێن( سەروک بارزانی ) ڕاست ودورست دەردکەڤن وچەند سالان بەری هەر روودانەکێ پێشبینا کری ، هەتا ئەڤرۆ ژی هەر وەسا بوویە، دێ ڤەگەرم سەر بابەتی ئایە ئەڤا ئەڤرۆکە ل ئیراقێ دهێتە روویدان بەرانبەر هەرێما کوردستانێ ژ لایێ بەرەیی مقاومەیی وئێرانێ ڤە ب پشتگرییا هندەک لایەنێن کوردی بۆ لاواز بوونا هەریمێ یە ، یانژی بۆ لاوازبوونا پارتی یە، ژ داخویانیێن وان خوەیایە( کلدانی وعەبادی وشالاو کوسرەت وشاسوارێ) ڤە و بسەرپەرشتییا ئیرانێ چەوا وکوردستانێ ب قودسا ئیراقێ دناڤ دکن ، بهەلکەفتا رۆژا سەرهەلدانا پاڕێزگەها هەڤلیرێ ژ داگیر کەران ( شالاو کوسرەت) دبێژت: دێ هەڤلێرێ ڤەگەرینن ، هەر وەکو هەڤلێر ل بن دەستێن داگیرکەرا دایە داکو رزگار بکن ، وبەلێ ژبیر کرن ل سالا (١٩٩٥-١٩٩٦) ێ چ کارەسات ب سەرێ خەلکێ هەڤلیرێ ئینا ژ دزی و تیرۆرو تالانکرنێ ، هێشتا ژ بیردانکا خەلکێ (هۆلاکۆ بەزین ) نەچوویە ، سەروکێ وان ب گالتەچیڤە دبێژت (جمال لۆ مارێ) وەکو ئیهانەک بۆ خەلکێ هەڤلێرێ،ئەرێ هەڤلێر نە پایتەختێ هەرێمەکا دانپیدایی ژلایی دستوورێ ئیراقێ ڤە ، لێ ب دیتنا من ئەڤە ژ ڤالەهییێ ناهتییە هەروەکو کورد دبێژن : ( تشتەک یێ دبن ڤە هەیی) ئەو نوزانن بێهنفرەهییا پارتی ژی توخبێن خوە ێین هەین،وەختی دبینت پیلانێن دۆژمنان بۆ نەهێلانا کوردستانییێ یە ، دا کو پێ بگەهن مەرەمێن خوە یێن گەنی ، ڤێجا بگرە ژ بڕیارێین خوە یێ نە دەستووری وشوفیانە و مەرەم ژێ نەهێلا پێکڤەژیانییێ ل کوردستانێ و ، ژلایەکێ دیڤە بڕیار دانا نەهێلانا دام ودەزگەهێن شەرعی وەکو پەرلەمان و کورسیێن کۆتا وەکو مافەکێ وان یێ رەوایە، چونکو گەلەک دەولەتان ئەڤ سیستمێ کۆتا هەیە ، ژ بەر کێماتیا دەنگێن وان نە شێن بگەهن پەرلەمانێ یان هەر جهەکێ دیتر ، لەوما باشترین سیستمە داکو ب مافێن خوە شاد بن ئەڤە ل ئیراقێ ژی یا هەیی پا بۆچی کوردستانێ نەبیت ، هەر وەسا برسیکرنا خەلکێ کوردستانێ و هەلوەشاندنا باژێرڤانێن پاڕێزگەها ژی و …هتد)بەلکو ئەم ژی هندەک جاران کێمترخەم بووینە، لێ وێ چەندێ ناگەهین ئیرادا خوە تەسلیمی دۆژمنابکن ئەڤە ب تنێ ب پارتی دهێتە کرن ژ بەرکو روودانێن بەری نوکە دیاربوویە، کو پارتی هەلگرا بەرپرسیارەتیێ یە ل هەر کاودانەکێ بۆ نموونە: هەمی لایەک دگەل گشتپرسیا رێفراندومێ بوون ل سالا(٢٠١٧) ێ بهێتە ئەنجامدان ، پاشی هەمیان پارتی ب جهێلا و ب گوتگوتکێن بەروڤاژی نەوەختێ وێ بوو ، یانژی ئیعاز ژ دەرڤە وەردگرتن ، لێ ژبەر خوەراگیریا پارتی و ڕاستگویانە دگەل خەلکێ خوە گۆتە : دۆژمنێن خوە مە ژی دڤێتن سەربەخوەبوون ژ بەر هندێ پارتی ل سەر ئاستێ ئیراقێ وکوردستانێ بوو هێزا ئێکێ هەر چ هەلبژارتنەک هاتییە کرن هەر ل ڕێزا ئێکێ بوویە، چونکو ل سالا(١٩٩١) ێ هەر جەنابێ سەرۆکی بووی دەستپێشخەری کری بۆ هەلبژارتنێن سالا(١٩٩٢)ێ، ئەڤجا گوتگوتکێن نەها دبێژن پارتی ژ هەلبژارتنا دترسن وەکو (خەونا حیشترێ )یە ، لەوما دێ بایکۆتێ کەن ڕاستیەکە بەروڤاژی یە و هەر دەم پارتی دگەل هەلبژارتنەکا شەفاف و ئازاد بوویە، لێ باش دزانن ئەو نەخشێ بەری هەلبژارتنا هاتییە داڕێژتن ژ دەرڤەیی توخیبێن کوردستانێ یە بۆ نەهێلانا قەوارێ هەرێما کوردستانێ یە ، یانژی بۆ لاوازکرنا وێ یە ئەڤە مەترسیدارین پێنگاڤێن ب تنێ پارتی دشێتن بێژتە : وان ستۆپ هەتا ڤێرێ وبەس ئەگەر نە کاودانێن ئێراقێ ب گشتی دێ کەڤن دبن گەف ومەترسیەک مەزن دا .