▪  ڕێزگرتنێ بەرانبەر کێ و چەوا ؟

ناجــح بێجـــانــی:

ئەرێ ئەم چەوا رێزێ ئێکدو بگرن دویر ژ هەر بەرژەوەندیەکێ دناڤ جڤاکیدا، ژ کەڤن دا هاتییە گۆتن: رێزی ل خوە بگرە، داکو بەرانبەری تە رێزی ل تە بگرت، یانژی هەردو تەمامکەرێن ئێکدو نە و ئەڤە ژی ئێکە ژ ڕەوشتێن جوان مرۆڤ هەست ب دل ئارامییێ بکت و ئەرکە ل سەر
مە هەمیان ڕەفتارو پەیوەندیێن مە دگەل ئێکدو باش بن ، لێ دڤییا ژبیرنەکەن هندەک مرۆڤ ێین هەین هەر وەختەکێ تە ژکەسایەتییا وی زێدەتر رێز لێ گرت دێ هزرکن ئەڤە کێمکرنە ژکەسایەتییا تە ،ئەم هۆسا ێین ژبچووکاتیێ پەروەردەبوون یا بوویە نەریتەک ژ بابوباپیرێن مە بۆ مە یا مایی ،رێز ئانکو هەست ، ئەڤینی ، دلۆڤانی ،لێبۆردەیی ، دل فرەهی ،باوەری یێ بەرانەبەر خوە ل سەر چ بیرو باوەریێن ئایینی بن ، ئایدولۆژیەت وەکو هزر، مرۆڤێن زاناوخودان علم ، ڕیهسپی وکەسایەتیێن دیار دناڤ جڤاکیدا ،خودان پێدڤیێن تایبەت، کەسێن ژ مرۆڤی مەزنتر بیت ب تەمەنێ خوەڤە،هندەک جهـ ێین هەین نابت هەر چ ئاخڤتنا تە بڤێتن بێژی، بەلکو ێین سنۆردارین ، یاسایێن بۆ مرۆڤان هاتین داڕێژتن دادگاهـ ، ڕینمایێن هاتنوچوونێ، رێز ل ژینگەهێ بهێتە گرتن ، خالەک دیتر دڤێتن زاڕۆکا فێربکن، کا دێ چەوا رێزێ ل دایک و باب وخویشک برا گرن، بەرەڤاژی خێزان ژی رێزێ ل زاڕۆکێن خوە بگرن و گرنگێ پێ بدەن وهاریکار وپیشتەڤان بن، چێنابیت هەستێ وان بهێتە شکاندن، پێدڤی یە گوهـ ل بیرو بۆچوونێن وان بگرن ، هەرەوسا فێر بکن دا رێزێ وگرنگییێ بدەنە دەوروبەریێن خوە، دەمێ دئاخڤن گوهـ لێ بگرن ژئاخڤتنێ نە ڕاوستینین دا کو هەست ب کێماسی نەکن و نەبت جهێ دل گرانییا وان،هەستێ زاڕۆکان یێ نازکەو مێشکێ وان زویکا تشتا وەردگرن وکارتێکرنێ لێ دهێتە کرن ، وەسا هزر دکن ئەڤە تولڤەکرنە، ژبیر نەکن مرۆڤێن ب ناڤسالڤەچووی پێدڤی هاریکار ورێزێنە ، بێ دو دلی دڤییا د خزمەتا وان دا بن ، ئەڤ چەندە دێ بیتە پالدەرەک باش و دلخۆشکەر پتر دێ هەست ب ئارامییێ کەن ژ لایێ دەروونی ژیڤە دێ کارتێکرن ل مێشکی وان بیت و هزرکەن هێشتا مرۆڤێن جامێر ێین مایین قوربانییێ ب خۆشییا ژیانێ بدەن دا ئەو ب خوەشی بژین ، لێ بمخابنڤە هندەک جاران ئەڤە ژی یا بوویە بەرژەوەندی کا تە چەند پارەو بەرپرسیاریەتی هەیبت هند رێز ل تە دئێتە گەرتن، لێ بەرەڤاژییا وێ ژی یا دورستە ژبەرکو هندەک مروڤ ێین هەین چەند پارە وبەرپرسیاریەتی ژی هەبیت وەکو مرۆڤ بەڕێخوەددنێ ، خالەکا دیتر و نێگەتیف دناڤ جڤاکیدا مەدا، چەند یێ زاناو خوەشمرۆڤ ژی بت ئەگەر بارێ وی یێ ئابۆری خرابیت ئەم ب چاڤەکێ نزم بەرێخوەددینێ وپێشگوهڤەدئێخن ،ئەم کورد ب گشتی زویکا رێزێ یێ بەرانبەری خوە دگرن ب تایبەت ئەگەر ژ نەتەوەیەکێ دیتر بیت، نوزانم ژ دل فرەهییا مەیە، یانژی ئەم زویکا ژ خەلکێ باوەر دکن ، بێکو هزر بکن ئەڤ رێزگرتینە دێ چەند دبەرژەوەندییا جڤاکێ کوردی دا بیت ، دووماهییکێ دێ وەسا هزرکن ژلاوازییێ مەیە، لەوما دێ ب رەنگەکێ دیتر وەکو وان بڤێتن و چەوا و کەنگی پەیوەندی و تێکەلییێ دگەل مەبکن بۆ وەختەکێ دەستنیشانکری و نە زێدەتر ، دێ مە ب کار ئینن، ئەگەر شۆلێ وان ب مە نەما دێ هزرکن ، رێزگرتنا مە ژ ئەنجامێ لاوازییا مەیە، ڤێجا وان چەوا بڤێتن دویر ژ هەر پرەنسیپەکا ئەخلاقی وپێکڤەژیانییێ دێ وێ رێزگرتنێ ژبیرکن ، دووماهییێ ئەم ێین پەشێمان بوون، لێ بمخابنڤە دڤییا با مە دەرس وعیبرت و سەربۆر ژێ وەرگرتبان و ئەو شاشی دوبارە نەکربان (پەرێ وەکو بەرێ)