بێوارحسێن زێباری , ھەولێر:
ئەگەر بەحس دەڤەرێن ھەرێمی ب جوداھی بکەین دێ بینن کو دەڤەر بۆ دەڤەرێ جوداھیەک ھەیە بۆ خودانکرنا مەڕو مالاتی و یا زەنگینە ژی و بەرھەمەک باش ژ دەست دکەفیت، لێ وەکی خودان مەڕومالات ددەنە دیارەکرن کو ئەڤ بەرھەمێ ھەنێ ھندەک ب ھەدەر دچیت وەک ھری دنوکە دا وەکی بەرێ گرنگییا خۆ نەمایە و ئەڤە ژی دبیتە ئەگەر کو خودان ژی ئەو زەوقە نەمینیت لسەر کارێ خۆ.
سابر دیار , ئێکە ژ خودانێ مەڕو مالاتی ل دەشتا ھەولێرێ بۆ مالپەڕێ ” زێیێ بادینان” داخویاکرن ، کو ئەڤە پتریا ٢٠ سالانە ئەم خودانکرنا مەڕومالاتی دکەین و بەردەوام ل وارگەھێن چەروانی دگەرێن بۆ خودانکرنا مەڕومالاتێ خۆ ، لێ یا مە دڤێت ژی ئەوە کو بەرھەمەک باش بگەھیتە مە و ژین و ژیارا مە ژی لسەر ڤی مەڕومالاتیە بەلێ یا خۆیا یە کو ڕۆژ ب ڕۆژ گرنگی ب ھەبوونا بەرھەمێ خۆمالی یان ژی یێ مە سست دبیت و لاوازیەک پێڤە دیارە ، ناگەھیتە وی ئاستی کو ئەم پێڤە زۆر ماندی دبین و نەخۆشیان ژی دبەین لسەر خۆدانکرنا وی، بەلێ پا ئەم د مالدا ھەموو بێ مووچەینە و کەس ژمە فەرمانبەر ژی نیە لێ دەڤەرا مە ژی بکێر ڕەز و باغان ژی ناھێت ھەتا بھێت ژی ئەم یێن فێری خۆدانکرنا مەڕومالاتی بووی .
زێدەتر دادیارەکرن ، ئەم وەک خودان مەڕومالات داخاز ژ جھێن شولەژی و پەیوەندیدار کەین کو ڕێ ب مەڕومالاتی بیانی یان بەرھەمێن وان نەھێتە دان و پتر یێ خۆمالی بکەفیتە ناڤا بازاڕاندا و بھایەکێ باش ژبۆ کریار و فرۆشیاری ژی بھێتە دانان دا ھەردوو لا تیێدا خوسار نەبن ,یا مە دڤێت ئاماژە پێ بدەن ئەوە کو ( ھریا مەڕی ) و بزنێ یە بەریا چەند سالان ھەتا ڕادەکێ باش کار و کریار لسەر ھاتە کرن، لێ د ئەڤرۆکە دا ب ئاوایەکێ نەیێ باش و ھەتا ب ھەدەر ژی دچیت و تنێ بۆ ساخلەمی و گەرما مەڕێ یان یزنێ نەبیت نەکو وەکو پێدڤی چ بھایەک باش نینە و دھێتە ھاڤێتن ژی , لەوما دخازین کو پتر گرنگی ب ھڕیی و مۆیێ بزنێ بھێتە دان ئەو بەرھەمە ژی ببیتە ھاندەرەک بۆ دەستڤەئینانا داھاتەکێ و خۆشیا ڕێڤەبەرنا کارێ خۆ ژی نەبیتە بارگرانیەک بۆ خودانێ مەڕومالاتی .
مام تاهیر ژی کریارەکە کو بەریا نوکە کاری فرۆتنا مۆ و ھڕیا مەرومالاتی کریە و دبێژیت : بەریا نوکە بھایەکێ باش دھاتە کرین و فرۆتن و خەلکی تا ڕادەیەکێ باش حەز لسەر ھەبوویە، لێ دنوکە دا گورانگاریەک ب سەردا ھاتییە و ئەو بازاڕێ وان جارا نەمایە , بەلێ ئەم ژی وەک خودانێ کریاری و فرۆتنێ حەز کەین کار لسەر ھەبیت ھەم بۆ مە ژی باشە و کارێ مە دێ ھەبیت ، بەلێ نوکە خەلکی پتر حەزا لسەر یێن بەرھەڤکری دبازاڕی دا ھەیە، لەوما بوویە سەدەم کو ئەو ھڕیە ب ھەردە بھێتە ھاڤێتن .
نە تنێ بازاڕی هڕی و موویا بزنێ بەلکو پتریا بازاڕان هاتینە گوهۆرین و وەک بەرێی نەمایە، چونکە نوکە تنێ کار ل سەر بەرهەمێن حازر و بێ ماندی بوون دهێتە کرن و بەلێ وەک بەرهەمێن سپیاتی زێدەتر بازاڕێ وان یێ خۆشە .
Comments are closed, but trackbacks and pingbacks are open.