▪  گەنجەڪێ  گوت سەدام باش بو….

………….محمد مراد

گەنجەڪێ گوت سەدام باش‌ بو.!من گوت تو چەند سالییێ؟
گوت 20 سال ئەرێ تو چەوا دزانی باش بو.دەمێ سەدام لسەر دەستهەلاتێ هێشتا نەبوی.گوت د(تیڪتوڪی)دا من یێ دیتی،سەرڪردەڪێ زیرەك بو ژ ڪەسێ نەترسا نه فارسا و نه تورڪا.ئێ باشه.تو دزانی چ ل مه ڪوردا ڪریه.گوت نه خێر…

جارێ پێنج خولەڪا گوهداریا من بڪه.. چنڪو زولم  و زورداریا سەدامی ل مه ڪوردا ڪری پێنج روژا بێژم خلاس نابیت بەس پێنج خولەڪا گوهداربه.گوت ڪەرەم ڪه..ئەرێ تو دزانی سەدامی هزارەها گەنجێت وەڪی ته یێت سێدارە داین جنڪو ڪوردبون ل بن ناڤێ ئەندام و لایەنگێرێت پارتی.. ئەرێ تو دزانێ سەدامی پتر ژ چوار هزار گوندا بسەرێ مه ڪوردا دا خراپڪرن و خەلڪێ مه ب زوری ل ڪومەلگەهێن زور ملی ئاڪنجی ڪرن ب زوری…

ئەرێ تو دزانێ ژ سالا 1975هەتا1988پتر ژ ئێك ملیون ڪورد ئاواره و دەربەدەری تورڪا و ئیرانێ ڪرن.ئەرێ تو دزانی ژ سالا1983هەتا1988ئەنفال ل مه ڪوردا راڪر و پتر ژ 182هزار ڪوردا  بساخی ل بیابانێت عەرەبا بساخی ڤەشارتن و ڪوردستان ڪره چول و ئێك گوند نەهێلا و هەمی سوتن، ئەرێ تو دزانی مه ڪوردا، دوو شورەشێن بەرگری دژی رژێما سەدامی ڪرن و هزارەها شەهید مه ڪرینه قوربانی هەتا ئەڤ پارچه نهو ئه م تێدا ئازاد بوی و تێدا دژین……

ئەرێ تو دزانی سەدامی ڪێمیا ب حەلپچه وەرڪر و پێنج هزار زراوك  و پیر و ڪچ و ژن ڪوشتن،ئەرێ تو دزانی دوباره ڪوردستان ل سالا 1991هات چولڪرن و ڪوچا ملیونی چێبو، چو گوند و باژێر نەمان هەمی دەربەدەری ئیران و تورکیا بون، ژ ترسا زولم و زودارییا سەدامی،،،
ئەو گەنج ڪەنی و گوت!! پانێ ڪەسێ بو من نەگوته، من جەند سالا ژی یا خواندی، بخودێ ئەگەر وەسا بیت مه زنترین دڪتاتورە و خوین مژه، من گوت ئه ڤه پێنج خولەك بون، ئەوا سەدامی ئینایه سەرێ ڪوردا چو دەورو زەمانا چو سەرڪردێن جیهانێ نەئینایه سەرێ چو مللەتێن خو،
من گوت مام هشیاربه چو ڪەنال و میدیا و سوشیال میدیایێ دا ، مەدحڪارێ سەدامی نەبن نەفرەتا لێ بارینن،، پاشی بدەنگەکێ هێدی  و هەستا شەرمێ پێڤە دیار،،، گوت سوزبیت سوپاس بوتە ماموستا…