پشتی کو دوهی تەرمێ زەلامەکی ل هەولێرێ هاتییە دیتن، ئاسایشا هەولێرێ راگەهاند، هەڤژینا وی و دوو کەسێن دی ب تۆهمەتا کوشتنا وی کەسی هاتینە دەستەسەرکرن.
ئەڤڕۆ دووشەمبی، ڕێڤەبەریا ئاسایشا هەولێرێ راگەهاند، دوهی ئێکشەمبی وەلاتیەک ب ناڤێ “ئاراس” کو هوستایێ دیواران بوو ل گوندێ دوستەکان ل سنورێ هەولێرێ ب پێنج گوللـەیان هاتە کوشتن، پشتی ڤەکۆلینان دیاربوو هەڤژینا وی دەست د کوشتنا وی داهەیە، ژبەرهندێ هەڤژینا وی دوو کەسێن دی ب تۆهمەتا وێ تاوانێ هاتینە دەستەسەرکرن.
ئاماژە ب وێیەکێ کر، تۆهمەتباران دان ب تاوانا خۆدانایە، ژبەرکو هەڤژینا وی کەسێ هاتیە کوشتن، پەیوەندیەکا حەژێکرنێ دگەل کەسەکێ دی هەبوویە، وێ ژنێ دگەل وی کەسێ حەژێ دکر کەسەک ب ٦٠ وەرەقەیێن دۆلاری گرتییە تا هەژینێ خۆ بکوژیت.
ئەو یەکژی بەرچاڤکر، دەستپێکێ پلان دانابوو کو د بوویەرەکا ترافیکی دا وی کەسی بکوژن لێ پلانا وان سەرنەکەفت، ژبەر هندێ کەسەک ب پارە گرتییە و ب پێنج گوللـەیان “ئاراس” کوشتییە.
بەحسا وێیەکێ ژیکر، پشتی چەند دەمژمێرەکان ژ ئەنجام دانا تاوانێ، هەڤژینا وی دگەل دوو کەسێن دی هاتینە دەستەسەرکرن.
Comments are closed, but trackbacks and pingbacks are open.