ژێدەرەكی ژ پارتی دیمۆكراتی كوردستان بۆ ئاژانسا خانی گۆت: سباهی هەلبژارتنێن نوینەرێن كۆنگرێ پارتی دێ ب دوماهیك هێن.
ژێدەرەكێ باوەرپێكری یێ پارتی دیمۆكراتی كوردستان راگەهاند، هەلبژارتنێن نوینەرێن كۆنگرێ 14ێ یێ پارتی ل سەرجەم رێكخستنێن ناڤ باژێران و دەرڤەی باژێران ب دوماهی هاتینە، بتنێ دوو بازنە ل زاخۆ ماینە كۆ ئەڤرۆ و سباهی هەلبژارتنێن وان دێ هێنەكرن و بازنەك ل هەولێرێ ژی مایە كۆ دێ هەلبژارتنێن وی هێنە دۆبارەكرن ژبەركۆ سەختەكاری تێدا هاتبوونە كرن.
دیار ژی كر، پرۆسا هەلبژارتنا نوینەرێن كۆنگرەی ب رەنگەكێ باش ب رێڤەچوو و دەرگەهێ خوە كاندیدكرنێ بۆ هەمییان یێ ڤەكری بوو و دەنگدەر ژی د ئازادبوون دەنگی ب كیش كاندیدی بدەن. پشتی تەمامبوونا رێكارێن هەلبژارتنێ ژی ناسنامە بۆ نوینەران دێ هێنە درۆستكرن و لیژنێن ئەمنی و هونەری و خزمەتگۆزاری دێ هێنە پێكئینان ژبۆ برێڤەبرنا كاروبارێن ئەنجامدانا كۆنگرەی.
ئاشكەرا ژی كر، كۆنگرە ل دهۆكێ دێ هێتەكرن و هەمی ئامادەكاری هاتینەكرن. ل دەوروبەرێن 800 كەسان دێ دناڤ دا ئامادەبن و بریارە 25% ژ كۆما نوینەرێن كۆنگرەی ئافرەت بن. پشتی ب دۆماهی هاتنا كۆنگرەی ژی كۆمەكا پرسێن گرنگ ل هەمبەری پارتی دیموكراتی كوردستان هەنە و دێ سیاسەتەكا رۆهن ل پێناڤی باشتركرنا ژیانا خەلكی و پاراستنا ئاسایشا هەرێمێ و دەڤەرێ پەیرەوكەت.
Comments are closed, but trackbacks and pingbacks are open.