1.تشتێ بۆرى چوو، وتشتێ چووى مر ونه‌ما، ڤێجا هـزرا خـۆ د تشتێ بـۆرى دا نـه‌كـه ماده‌م چوویه ونه‌مایه (ئه‌گه‌ر ته بڤێت كه‌سه‌ران ل خۆ كۆم نه‌كه‌ى).
2.كتێب باشتـرین هه‌ڤاله، د گه‌ل كتێبان بژى، وهه‌ڤالینییا زانینێ بكه، و د گه‌ل مه‌عرفه‌تێ به (دا خۆشییێ ومفایێ هه‌ڤالینییێ ببینى و وه‌رگرى).
3.وه‌ره وهه‌ڕه وڕاوه‌ستاى نه‌مینه، وخۆ ژ سستى وكسلانییێ بده پاش، وخۆ ژ به‌طالى و بێ كارییێ دویر بكه (دا مه‌ژییێ ته به‌ستى نه‌گرت).
4.شرینییا سه‌ركه‌فتنێ ته‌علییا صه‌برێ ژێ دبه‌ت، وخۆشییا سه‌ركه‌فتنێ وه‌ستیانا نه‌خۆشییێ دبه‌ت، وكرنا كارى ب تمامى زه‌حمه‌تا وى ڕادكه‌ت.
5.سه‌ركه‌فـتـن ئعتـرافێ ب نه‌سه‌ب وناسناڤان وئاستێ زانین وپاره وه‌رگرتنێ ناكه‌ت، به‌لكى هه‌ر كه‌سه‌كێ هممه‌ت ونه‌فسه‌كا به‌ر ل بلندییێ هه‌بت وصه‌بره‌كا جوان ل نك بت، ئه‌و دێ گه‌هته بلندییێ.
6.سه‌عاده‌ت ودلخۆشى دحه‌سه‌ب ونه‌سه‌ب وزێڕ وزینه‌تێ دا نینه، به‌لكى ئه‌و د دین وزانین وتۆره وگه‌هشتنا ئارمانجێ دایه.
7.ئـه‌گـه‌ر هه‌ڤده‌مێ ته قه‌له‌م بت، وبركا ته حوبر بت، وهه‌ڤالـێ ته كتێب بت، ومه‌مله‌كه‌تا ته مالا ته بت وخزینه‌یا ته هێزا ته بت، تو خه‌ما تشتێ بۆرى نه‌خۆ.
8.ئه‌گه‌ر ئـێـكـى نـه‌خـۆشى گه‌هانده ته بیرا خۆ ل قه‌ده‌رێ بینه‌ڤه، وقه‌نجییا لێبۆرینێ، وخێرا نه‌رم وحه‌لیمییێ، وقه‌درێ صه‌بركێشانێ، وهه‌ر وه‌سا بیـرا خۆ ل هندێ بینه كو ئه‌و یێ زالمه وتو یێ مه‌زلوومى، له‌و تو ژ وى به‌خته‌وه‌رترى.
9.هشیارى په‌یڤا (پاشى) به، وكارێ خۆ گیرۆ نه‌كه ونه‌بێژه: هێشتا زوییه پاشى دێ كه‌م، چونكى ئه‌ڤ چه‌نده نیشانا شكه‌ستن وفاشلبوونێ یه.
10.دخه‌مخوارنا ژ كارى دا تو وه‌كى مێرییێ به، سه‌د جاران ئه‌و دكه‌ڤت حه‌تا ب سه‌ر دارێ دكه‌ڤت، به‌لـێ ئه‌و دچت وناوه‌ستیێت.
11.سه‌را ته‌خسیرییێ تو لۆمه‌ى خۆ ب تنێ بكه ولۆمه‌ى كه‌سێ دى نه‌كه، وبزانه ته هند عه‌یب هه‌نه چاككرنا وان دێ هه‌مى وه‌ختى تژى كه‌ت، ڤێجا خه‌لكى بهێله.
12.ڕویگه‌شى ڕوییـه‌كـێ جـوانـه، وگولزاره‌كا كه‌سكه، وكتێبه‌كا مفایه د گـه‌ل دله‌كێ بهایـێ قه‌نـجییـێ بزانت وگونه‌هێ بهێلت، وحه‌ز ژ خێرێ بكه‌ت.
13.كـارى بـاش بـكـه، وهـیـڤـییـێ كورت بكه، و ل هیڤییا ئه‌جه‌لى به، وڕۆژا خـۆ ببۆرینه، وكارێ خۆ بكه، وزه‌مانێ خۆ بنیاسه، وئه‌زمانێ خۆ بپارێزه.
14.چاڤه‌رێى شوكر وسوپاسییا كه‌سێ نه‌به، تێرا ته هه‌یه خودێ ژ ته رازى بت، وخۆ عێجز نه‌كه ئه‌گه‌ر ئێكى قـه‌درێ ته نه‌زانـى، یان حـه‌سـویـدى ب ته بر (چونكى دێمێ ڕۆژێ ب بێژنگێ نائێته ڤه‌شارتن).
15.ل سه‌رێ سحاران ڕوینه وده‌ستێن خۆ درێژ بكه، وچاڤێن خۆ به‌رده، وبێژه: ئه‌ى خودایێ مه‌زن! په‌رتاله‌كێ بێ خێر مه یێ ئیناى بهایه‌كێ مه‌زن پێ بده.
- ژ مفایێن خواندنێ ئه‌زمان ره‌هوان دبت، وعه‌قل زێده دبت، ودل صافى دبـت، وخه‌م ڕادبـت، ومـفـا ژ سـه‌ربـۆڕان دئێته وه‌رگـرتن، وقه‌نجى ب ده‌ست ڤه دئێن.
17.سەرکەڤتن بۆ وان کەسایە ئەوێن باوەری ب بهێز و شیانێن خۆ هەی.
18.هێز و شیانێن تە چێدبیت تە بگەهینە گۆپیتکێ(بلنترین ئاست)٫ بەلێ کەسایەتیا بهێز دفێت تو بەردەوام ل گۆپیتکێ بی.
19.ب تنێ ئێك تشت دشێت وەل تە بکەت کۆ خەونێن(هیفیێن) تە ببنە مەحال(مستەحیل)، ئەوژی ترسە ژ شکەستنێ.
20.سەرکەڤتن یا گرێداییە ب خۆ ئامادەکرنا پێش وەخت، بیێ خۆ ئامادەکرن شکەستن یا مسوگەرە..
21.ئەگەر تە کەس نە ديت كەرب ژتە ڤەبن، بزانە تو مروڤەكێ سەرنەکەفتی !
22.چ خوشی بـ دوماهیك نەهاتینە !!
ئەوا بدوماهیك هاتی.. ئەو لـ دەستپێکێ هەر خوشی نەبوو !
23.هەمی کەسا ترانە بکارێ من دکرن.. لێ دەمێ دکارێ خودا بـسەرکەفتیم هەمی بونە هەڤالێن من !!
24.هەتا تو دگەهيه ديوانا راستيێ..
دێ برێڤه گەلەك بـ درەوا سلاڤا لتەكەن !!
25.دوو جورێن مروڤا هەنە !
جـورەك تە دبینن باش.. دێ حەشـتە کەن !
و جـورەك تە دبینن باش.. دێ تـە خـون !
26.ئەگەر تو یێ راست و درست بی،ئەگەر چەند ئاستەنگ د رێکا تەدابن،دڤێت بێ ھیڤی نەبی،و دێ ب سەرکەڤی.
27.ھەردەمێ…
شەمالک ھەمی ڤەمرین و ب دوماھیک ھاتن
دل تەنگ نەبە دیارە دەمێ ھەلاتنا روژێ یە !
ـــــــــــــــــــــــــــ
نڤیسەر : بلند بهجت
Comments are closed, but trackbacks and pingbacks are open.