هونه‌رمه‌ند دلبه‌ر جزیرى، د دیداره‌كێ دا بۆ ئه‌ڤرۆ هه‌تا نوكه په‌شێمانى چو كارێن خوه یێن هونه‌رى نه‌بوویمه بتنێ په‌شێمانێ هندێ بوویمه من ل گه‌ل پرۆدیوسه‌ره‌كى كاركریه و هه‌موو مرۆڤ ژى نه‌وه‌كو ئێك وهنده‌ك كاردكه‌ن دا كار جوان بهێت و هه‌ر ب جوانى كار برێڤه بچیت و هنده‌ك كه‌سێن دى هه‌نه بنێ بۆ پارێ خوه كاردكه‌ن و بۆ من نه‌خه‌مه كى چ بكه‌ت و چ كاربكه‌ت، چونكو هه‌ركه‌سه‌كى ژیانا خۆیا تایبه‌ت هه‌یه و ئه‌ز بخوه ژى بتنێ مژوولى كارێ خوه مه و هنده‌ك هونه‌رمه‌ند هه‌بوون نیازا وان ئه‌و بوو كونسێرتێن من تێكبده‌ن و هه‌تا رۆژا كونسێرتا من داهێته گێران ژى دچوون ل گه‌ل رێكخه‌رێن كونسێرتێ دئاخفتن كونسێرت بهێته هه‌لوه‌شاندن و ئه‌و هونه‌رمه‌نده‌ژى ل كوردستانا باشور دبه‌رنیاسن و من نه‌ڤێت ناڤێن وان دیاركه‌م و دبینم ئه‌ڤه تشته‌كێ شه‌رمه وان كرى، چونكو ب ژى ڤه ئه‌ز گه‌له‌ك ژوان بچیكترم ژیێ وان ژ چل سالیێ ده‌رباس بوویه و ئه‌ڤى تشتى ئه‌ز گه‌له‌ك مه‌نده‌هوشكرم و من ئاریشه و تێكه‌لى ل گه‌ل كه‌سێ نینن و نزانم ئه‌گه‌ر چ بوون.
دلبه‌را جزیرى ئه‌و چه‌نده‌ژى گۆت: هه‌تا نوكه من خێزان پێك نه‌ئینایه و هه‌موو ده‌مان ئه‌ز یا ب كار بوویمه و ئه‌و هزره من نه‌كریه و دژیانا خودا من وه‌كو زه‌لامه‌كى كاركریه و من هه‌موو ده‌مان حه‌زكریه ل سه‌ر پێت خوه راوه‌ستم و پێدڤى زه‌لامان نه‌بم و ژخودێ دخوازم پێدڤى كه‌سێ نه‌بم و خودێ مێشك دایه من و ده‌مه‌كارى و پێ كاردكه‌م و هه‌موو ده‌مان رسق یێ ده‌ستێ خودێ دا و مرۆڤ نزانیت كه‌نگى خودێ دێ كه‌ته رست و یا ده‌ستێ خودێ دا كا دێ كه‌نگى ژیانا هه‌ڤژینیێ پێك ئینم و گه‌له‌ك كه‌سێن بناڤ و ده‌نگ داخازا هه‌ڤژینیێ ژمن كریه و من ره‌تكریه و هه‌موو ده‌مان من ڤیایه دژیانێ دا كاربكه‌م.
Comments are closed, but trackbacks and pingbacks are open.