ئەڤه ژی دێ بوریت……
محمد مراد…..

گەلەك سەرهاتی لدور دەستەواژا(ئەڤه ژی دێ بوریت)دناڤ چفاڪێ ڪوردەواری دا هەنه، چ ژ خوشی وچ نه خوشیابیت،ئەوێن بسەرێ مللەت و تاڪه ڪەسا هاتین،ڪو مروڤ بوخو چ مفای ژی نه بینت، وسەربورێن نەخوش چ پەندا ژێ نەوەرگریت،و مروڤێ چ پێ چێ نەبیت دێ بێژیت،ئەڤه ژی دێ بوریت….

راسته هەمی تشتەك خوش بیت یان نەخوش بیت دێ هەر بوریت، لێ ژیان و برێڤەبرنا وەلاتی نەبیت و نابوریت، چنڪو سیستەمێن ژیانێ یان رێڤەبرنا دەولەتێ نابیت چ تشت ببوریت ئەگەر دبەرژەوەندیا مللەتی دا نەبیت،و دڤێت سەربور ژێ بهێنه وەرگرتن و ئەو تشتێ بوری دوبارە نەبیت یان بلەز بهێنه چارەڪرن، چنڪو دهەر بورینەڪا دەمی دا سەدان هاولاتی زەرەمەند دبن و دبن قوربانی و دبیت وەلات ژی ژناڤ بچیت ئەگەر سەربور ژێ نەهێنه وەرگرتن….

دناڤ مللەتێ ڪوردا ژ سالا شێست و ئێکێ وەرە، ئەم یێ دبێژین ئەڤه ژی دێ بوریت،نمونە دزورن و چ سەربور ژێ نەهاتن وەرگرتن و سەدان سالێن دی ڤەرێژا وان دێ لسەر مللەتی هەبیت و نابوریت هەر چەنده سەدان نمونه و ڪارەسات ب سەرێ مللەتی هاتین هەر هەمی یێت بورین،دێ هندەك نمونا دیارڪەین یێن ڤەرێژا وان و برینا وان سارێژ نابیت و دەرمان نەبویه تا نوڪه..
1_پیلانا جەزائیر و نسڪوا شورەشا ئه یلولێ 1975 بوری،دەیان هزار قوربانی و سەدان ڪارەسات بورین..
2_شەرێ براڪوژی سالا1983 ئەوژی بوری و دەیان ڪارەسات ل پاش خو هێلان و بوری..
3_شەرێ حزبا دیموڪراتا ئیرانێ و پارتی ل ئیرانێ بوری و سەدان ڪارەسات هێلان و بوری..
4-کێمیا بارانڪرنا حەلبچه بوری دەیان هزار ڪارەسات ل پاش خو هێلان وبوری..
5-ئەنفالا 1988 بوری سەدان هزار قوربانی ل پاش خو هێلان و بوری وەلات و شورەش ژناف چون و ئەوژی بوری..
6_سەرهلدانا گەلێ ڪورد ل1991 خوشیەڪا بێ مفاء بو،بوری ل پاش خو دەیان ڪارەسات هێلان و وەلات ژ ناڤ چو،وئەوژی بوری.. 7_ڪوچا ملیونی مللەتێ ڪورد ل باشورێ ڪوردستانێ،بوری دەیان هزار ڪارەسات ل پاش خو هێلان و بوری و وەلات رەنج زەحمەت سەرهلدان بەر ئاڤێ دا چو،ئەوژی بوری..
8 -شەرێن نافخوی یێن پەڪەڪێ و پارتی(1992-2000) بورین. سەدان قوربانی و ڪارەسات ل پاش خو هێلان و بوری..
9_شەرێ ئێڪەتیێ و پارتی(1994-2000)بوری،دەیان ڪارەسات و قوربانی ل پاش خو هێلان و بوری،ڪودستان ڪره دووپارچه،ئەوژی بوری..
10_شەرێ ئازادییا عێراقێ2003ڪوردستانا باشور هەمی رزگاربو،ئه وژی بوری بێ مفا و سەربور..
11_شەرێ داعش 2014ودایگیرڪرنا ڪوردستانێ بوری و دەیان هزار ڪارەسات ل پاش خو هێلان،ئەوژی بوری..
12_ئازادڪرنا ڪوردستانێ2017ئەوژی بوری بێ مفا بوو.. 13_ریفراندوم و دەنگدان ب سەربەخویا ڪوردستانێ ئەوژی بوری بێ مفا..
14_شەرێ حەژدا شەعبی و ژدەست دانا ڪەرڪوك و شنگالێ ئەوژی بوری و دەیان ڪارەسات ل پاش خو هێلان..
15-مخابن ڪارەسات و نەخوشی و خوشیێت مە هەمی بورین بێ مفا وەرگرتن ژ سەربورو خوشیا..
16_چو رویدان نابورن ڤەرێژا هەر رودانەڪا دەیان سالا ڤەدڪێشیت،چ مایه بسەرێ مللەتی نەهاتی و بوری مخابن مە مفا ژێ نە دیتی یه…