رێڤه‌به‌رێ بەرھەمئینانا کارەبا ھەرێما کوردستانێ راگه‌هاند، کارێ باش بۆ زێده‌كرنا بەرھەمێ کارەبێ ل ھەرێما کوردستانێ هاتیه‌كرن، دڤێ حه‌فتیێدا دێ زێده‌ترى 400 مێگاواتێن کارەبا نیشتمانی زێده‌بن.
دیار تاھیر بابان، رێڤه‌به‌رێ بەرھەمئینانا کارەبا ھەرێما کوردستانێ بۆ مالپەڕێ فەرمیێ پارتی دیموکراتی کوردستان راگه‌هاند، د نوكه‌دا وەزارەتا کارەبا ھەرێما کوردستانێ نێزیكى 3 هزار و 400 مێگاواتێن کارەبێ ل به‌رده‌ستن، به‌لێ وێستگەها کارەبا گەرمیان دێ سو‌باهى كه‌ڤیته کارى، پێشتر بڕیاربوو 165 مێگاوات بەرھەم بینیت، نوكه 200 مێگاواتان بەرھەم دئینیت.
دیار تاھیر بابان گۆت، وێستگەها خەبات مه‌هه‌كه كه‌ڤتیه كارى، هه‌تا داوییا ئه‌ڤێ حه‌فتیێ 250 مێگاواتێن کارەبێ دێ زێده‌كه‌ت، بڤێ چه‌ندێ هه‌تا داوییا حه‌فتیێ بەرھەمێ کارەبا کوردستانێ دێ زێده‌ترى 400 مێگاواتان زێده‌كه‌ت و ده‌مژمێرێن پێدانا كاره‌بێ دێ زێده‌بن.
Comments are closed, but trackbacks and pingbacks are open.