هەولێر، قائید میرۆ:
ب رێیا هەژمارەکاوەستگەهێن کارەبێ بەرهەمئینانا کارەبێ دێ هێتە زێدەکرن و رێڤەبەرێ گشتیێ بەرهەمئینانا کارەبێ ژی دبێژیت: د دەمێ نوکە دا چار هزار و 100 مێگاواتێن کارەبێ دهێنە بەرهەمئینان و 750 مێگاواتێن دی ژی دێ زێدە بن.
پێشرەو نووری، رێڤەبەرێ گشتیێ بەرهەمئینانا کارەبێ بۆ رۆژناما ئەڤرۆ دیار کر، ل گورەی پلانا وەزارەتا کارەبێ بەردەوام کار بۆ زێدەکرنا بەرهەمئینانا کارەبێ دهێتە کرن و گۆت: “بەری نوکە بەرهەمئینان ب تنێ سێ هزار و 100 میگاواتبوون، بەلێ د دەمێ نوکە دا بەرهەمئینان گەهشتیە چار هزار و 100 میگاواتان ئەو ژی ب رێیا بەرفرەهکرنا وەستگەهێن کارەبێ و سەخبێرکرنا وەستگەهێن بەرهەمئنیانا کارەبێ و بەردەوام ژی کار دهێتە کرن بەرهەمئینان بهێتە زێدەکرن، چونکى خواست ل سەر کارەبێ بەر ب زێدەبوونێ یە”.
پێشرەو نووری گۆتژی: “کار ل سەر دو پڕۆژێن دی ژی دهێتە کرن، ئەو ژی پڕۆژێ بازیان یێ گازێ، کو 250 مێگاواتان دێ بەرهەمئینیت و ئەڤ سالە دێ ب دوماهی هێت، هەروەسا پڕۆژێ خۆرمەلە ل هەولێرێ کار تێدا دهێتە کرن و سالا داهاتی دێ ب دووماهی هێت و شیانێن بەرهەمئینانا 500 مێگاواتێن کارەبێ هەنە و ب ڤێ چەندێ دێ کارەب زێدەبیت”.
Comments are closed, but trackbacks and pingbacks are open.