- زێ بادینان
رازیبوون هاتیه كرن بۆ نووژه‌نكرنا مه‌له‌ڤانگه‌ها ئولومپیا سه‌رسنكێ كو ئێكه ژ سێ مه‌له‌ڤانگه‌هێن مه‌زنێن سه‌ر ئاستێ عیراقێ و پتره ژ 30 سالان ژ كاركه‌فتى. حكمه‌ت عابد به‌رپرسێ راگه‌هاندنا گه‌شت و گوزارا ئامێدیێ بو ئه‌ڤرۆ نیوز دیاركر، كو ئه‌ڤ مه‌له‌ڤانگه‌هه ئێك بوویه ژ مه‌له‌ڤانگه‌هێن هه‌ره مه‌زن ل سه‌ر ئاستێ عیراقێ، لێ ب مخابنى ڤه ئه‌ڤ مه‌له‌ڤانگه‌هه بو ماوێ چه‌ندین سالایه ژ كاركه‌فتى و نه‌شیانه خزمه‌تا خه‌لك و وه‌رزشڤانێن ده‌ڤه‌رێ بكه‌ت .
و گۆت: نوكه نووژه‌نكرنا ڤێ مه‌له‌ڤانگه‌هێ یێ ل وه‌به‌رهێنانێ و كارێ نووژه‌نكرنا وێ بو كومپانیه‌كا نافخوه‌یی كه‌فتیه و ل هیڤیا موله‌تا كارى نه و هه‌رده‌مه‌كێ موله‌تا كارى ده‌ركه‌فت دێ ده‌ست ب كارێ نووژه‌نكرنێ هێته كرن. ئه‌ڤ مه‌له‌ڤانگه‌هه د داویا سالێن هه‌شتیان دا ل سه‌ر رووبه‌رێ پتر ژ 5 هزار میترێن چار گوشه هاتیه چێكرن، لێ پشتى سه‌رهه‌لدانێ هاتیه خرابكرن و ژ كاركه‌فتبوو، و ب نووه‌ژنكرنا وێ ژلایێ ئابوورى و وه‌رزشى و گه‌شتیارى ڤه دێ شێت خزمه‌تا خه‌لكێ ده‌ڤه‌رێ كه‌ت.
Comments are closed, but trackbacks and pingbacks are open.