وەزارەتا دارایی و ئابوریا حکومەتا هەرێما کوردستانێ لیستەکا نویا پارڤەکرنا مووچەی بەلاڤکر و تێدا دێ چەند جهەک مووچەی وەرگرن.
ئەڤرۆ دووشەمبی، وەزارەتا دارایی و ئابوریا حکومەتا هەرێما کوردستانێ ڕاگەهاند، “رۆژا سێشەمبی مووچەیێ ڤان جهان دێ هێت دان (ھێزێن زێرەڤانی، ھێزێن بەرەڤانی و هەوارهاتن، لیوایێن پەتڕۆلێ و گاز، وەزارەتـا شەھیدان و ئەنفالكریان و كەسوكارێن شەھیدان و ئەنفالكریان، زیندانیێن سیاسی)”.
هەرچەندە بڕیاربوو دوهی ئێکشەمبی، مووچەیێ وەزارەتا ناڤخۆ، رێڤەبەریا رەگەزنامە و پەتڕۆل و غاز دێ هێتە پارڤەکرن، لێ ژێدەرەکی ژ وەزارەتا داراییا هەرێمێ ڕاگەهاند، مووچەیێ چ جهەکی ناهێتە پارڤەکرن.
دەربارەی سەدەمێن نە پارڤەکرنێ ژێدەری ئاماژە ب وێیەکێ کر کو ب سەدەمێ وێیەکێ ل پارێزگەها هەولێرێ بهێنڤەدانا فەرمی بوو و ئاستەنگ د رێیاندا دروستبوون بەرپرسان نەدڤیا وەلاتی ژ مالێن خۆ بهێنە دەرێ ژبەر وێیەکێ پارڤەکرن هاتە راوەستاندن.
رۆژا چارشەمبیا دەربازبووی، جڤاتا وەزیران داخاز ژ وەزارەتا دارایی کر ب ئارمانجا پارڤەکرنا مووچەی داهاتێ بەردەستێ حکەمەتێ بئێخیتە سەر هژمارەیا وەزارەتا دارایی، هەر دەمەکێ ٢٠٠ ملیار گەهشتن مووچەیێ تەڤایا وەزارەتان دێ هێتە پارڤەکرن.
Comments are closed, but trackbacks and pingbacks are open.