مه‌لا به‌ختیار پشتى ژه‌هركرنێ ل نه‌خۆشخانه‌كا ئه‌لمانیا چاره‌سه‌رى وه‌رگرتى، دوهى ڤه‌گه‌ریا هه‌رێما كوردستانێ، ئه‌ڤرۆ د پرێسكۆنفرانسه‌كێد راگه‌هاند: ئه‌ز ژ مرنا 100% ڤه‌گه‌ریام و سه‌ره‌رایى ڤێ تاوانی، پێشوه‌خت كه‌سێ تاوانبارا ناكه‌م، به‌لێ ئه‌ز د ناڤ ئێكه‌تیێدا هاتیمه ژه‌هركرن و چه‌ڤه‌رێى حزبا خوه دكه‌ت ب سه‌لمینیت كو ده‌ست د ڤێ تاوانێدا نینه.
مه‌لا به‌ختیار ئاماژه ب هندی ژى كر، نه ب تنێ ئه‌و كه‌سێ تاوانبار ناكه‌ت، به‌لكو هه‌ركه‌سێ ل سه‌ر وێ دوسه‌یێ بهێته گرتن، هه‌تا نه‌هێته سه‌لماندن بێ تاوانه.
مەلا بەختیار ئەندامی جڤاتا بلندا به‌رژه‌وه‌ندییێن ئێكه‌تییا نیشتیمانییا كوردستانێ گۆت: چاڤه‌رێمه ئێكه‌تى ب سه‌لمینیت بێ تاوانه و به‌رپه‌رێن ڤه‌كۆلینێ ڤه‌كه‌ت و تاوانبار بگه‌هنه سزایێ حزبى و یاسایى.
ل دووڤ گۆتنا وى، دێ سكالایێ تۆماركه‌ت و دبێژیت، د ناڤ ده‌رگه‌هێن دادگه‌ها كوردستانێدا پشت راستم دادوه‌ر دزانن وه‌ك تاوانه‌كا سیاسی بێ پێشینه د ناڤ نه‌ته‌وێن كورد سه‌ره‌ده‌ریێ دگه‌ل كه‌یسه‌كا یاسایی یا هه‌ستیاردا بكه‌ن.
Comments are closed, but trackbacks and pingbacks are open.