د. فارس بریفکانی، پەرلەمانتارێ خۆلا بووری ل پەرلەمانێ ئیراقێ بۆ ئاژانسا خانی راگه‌هاند؛ ژبەر رەوشا خرابا شنگالێ ئه‌م نه‌شێن ھاریکاریێن ساخله‌میێ بۆ شنگالێ دابین بکەین و رێکخراوێن جیھانی یێن ناڤدەولەتی ژی نەشێن بچنە شنگالێ بۆ گەھاندنا خزمەتێن ساخله‌میێ.
د. فارس بریفکانی گۆت: ل پەرلەمانێ ئیراقێ مە گەلەک بزاڤ کرن نەخۆشخانا شنگال، بنگەھێن ساخلەمیێ ل کۆمەلگەهـ و ناحیێن سەر ب شنگالێ ڤە بێخینە کار و پشتەڤانیا وان بکەین وه‌ك دابینکرنا نوژدار و ئامێرێن وان بۆ بنگەھێن ساخله‌میێ به‌لێ ژبەر ئاستەنگ و رێگریێن گرۆپێن نەیاسایی کارتێکرنەکا گەلەک خراب گەھشتییە کەرتێ ساخله‌میێ ل شنگالێ.
پەرلەمانتارێ خۆلا بووری ل پەرلەمانێ ئیراقێ دیاركر: گرۆپێن نەیاسایی بووینە ئاستەنگ و ئه‌و نەشیان پشتەڤانیا خەلکێ شنگالێ بکەن د وارێ ساخله‌میێدا کو گەلەک پرۆژە وھاریکاریێن رێکخراوێن جیھانێ ھەبوون به‌لێ ژبەر ئاستەنگێن ل ناڤ شنگالێ دا ئەڤ ھاریکاریێن ساخله‌میێ نەگەھشتینه.
Comments are closed, but trackbacks and pingbacks are open.