مه‌ریه‌م بوبانی ئه‌كته‌را به‌رنیاسا رۆژهه‌لاتێ كوردستانێ، ددیداره‌كی دا بۆ ئه‌ڤرۆ گۆت: به‌ری نوكه ژی هاتیمه دهۆكێ كاركریه، به‌لێ نه هاتبوومه فیسته‌ڤالا دهۆكێ ژبۆ هنده‌ك كارێن دی هاتبووم و ئه‌ڤه ئێكه‌م جاره دهێمه فیسته‌ڤالا دهۆك و پشكداربووم گه‌له‌ك یا باش بوو گه‌له‌ك یا كه‌یفخۆشم ژی من دیاریه‌ك ژی وه‌رگرتیه.
هه‌روه‌سا گۆت: ئه‌كته‌ری دژیانا من دا دیایه‌كا تژی ئه‌ڤینی و مهره‌بانیه و ئه‌و ڤالاهیا دونیایێ دا هه‌ی من ب ئه‌كته‌ریێ تژی كریه و دشێم هه‌موو رۆلان بگێرم، چونكو ئه‌ز زارڤه‌كه‌رم و هه‌ر رۆله‌كێ هه‌بیت دێ گێرم و خوه رۆلێ ئه‌ڤینیێ ژی بیت دێ گێرم و ئه‌ڤه وێ چه‌ندێ ناگه‌هینت ئه‌ز پیر بوویمه و نه‌شێم رۆلێ ئه‌ڤینی ب گێرم، چونكو ئه‌ڤینیێ چ سنور نینن و هه‌موو كه‌س ئه‌ڤیندار دبن و دبیت مرۆڤ ل ته‌مه‌نێ هه‌شتێ سالیێ ژی دا ئه‌ڤیندار بیت و هه‌كه رۆلێ ئه‌ڤینێ هه‌بیت دێ گێرم بۆ من چ جوداهی نینه بۆ من ل گه‌ل رۆلێن دی.
Comments are closed, but trackbacks and pingbacks are open.