وەزارەتا ناڤخۆ کامیرەیێن تۆماركرنا لەزاتیا تڕۆمبێلان دێ دەتە کەرتێ تایبەت و پەرلەمانتارەک ژی دبێژیت: دانا کامیرەیێن لەزاتیێ ب کەرتێ تایبەت دێ زیانێن مەزن ھەبن بۆ وەلاتیان و پارەیەکێ زۆرتر دێ ب رێیا کامیرەیێن لەزاتیێ ھێتە وەرگرتن.
عەلی حەمە سالح، ئەندامێ پەرلەمانێ کوردستانێ د داخویانیەکێ دا راگەھاند” حوکمەتێ بڕیاردایە کامیرەیێن لەزاتیا تڕۆمبێلان بده‌ته کەرتێ تایبەت و ئیدی ژلایێ کەرتێ تایبەتڤە دێ ھێنە برێڤەبرن، ئەڤە ژی مەترسیەکا زۆر مەزنە ل سەر وەلاتیان، چونکە نابیت سزادانا وەلاتیان و شۆفێران ژلایێ کەرتێ تایبەتڤە بھێتە برێڤەبرن و ئەوی خەلکی سزا بدەن، ھەروەسا داھاتەکێ زۆر بۆ کۆمپانیێن ئەھلی دێ چیت و کێمترین پارە بۆ حوکمەتێ دێ ڤەگەڕیت، ب تایبەتی کامیرە بشێوەیەکی ھاتینە دیارکرن ھەر چاوا شۆفێر دەرکەڤیت دێ کەڤیتە ناڤا کامیرا لەزاتیێ و ھێتە سزادان.
ژلایێ خۆڤەژی عەمید ئەسعەد مەلا کەریم، پەیڤدارێ ھاتن و چوونا ھەرێما کوردستانێ بۆ ئاژانسا خانی دیارکر” بادەکا برێڤەبرنا کامیرەیێن لەزاتیا تڕۆمبێلان رادەستی رێڤەبەرایەتیێن ھاتن وچوونا پارێزگەھان ھاتینەکرن و ھەر ئێک ژ وان پلانا خوه ھەیە بۆ رێڤەبرن، لەوڕا ژی مە ژی ھەروەکی خەلکی ئەو زانیاری وەرگرتینە کامیرە داینە کەرتێ تایبەت.
بلند بهجت
Comments are closed, but trackbacks and pingbacks are open.