پشتی ئێڤاریا دوهی بهایێ پەترۆلێ بۆ جارا ئێکێ و پشتی دوومەهان داکەتنەکا بەرچاڤ بخۆڤە دیت و ب ٧٧ دۆلار و ٥٣ سەنتان بازار پێ هاتەکرن، ئەڤرۆ شەمبی، جارەکادی بهایێ وێ شەش دۆلار و ٨١ سەنتان داکەت و ب ٧٢ دۆلار و ٧٢ سەنتان بازار پێ هاتەکرن.
هەروەسا، بهایێ ئێک بەرمیلا پەترۆلا خاڤا برێنت د بازارێ پەتڕۆلا جیهانێدا ب٦٨ دۆلار و١٥ سەنتان بازار پێ دهێتەکرن.
بڤی ئاوایی ژی ل ٤ێ تشرینا ئێکێ ڤە هەیا نها بۆ جارا ئێکێ یە بها ب ڤی ئاوایی داد کەڤیت، پێشتر ل مەها کانونادوویێ یا ئەڤسالە بهایێ پەترۆلێ ب ڕێژا ٢.٩٥% داکەت و ئێک بەرمیل ب ٧٨ دۆلار و ٨٤ سەنتان بازار پێ هاتە کرن.
سەدەمێ داکەتنا بهایێ پەترۆلێ گرێدایە ب وان مەترسێن لسەر کەرتێ ئابوریا جیهانی هەین ژبەر سەرهەلدانا زنجیرا نوی یا ڤایرۆسا کۆرۆنایێ کو ل باشورێ ئەفریقیا دەرکەفتیە.
لدیڤ پێشبینیان د ئەڤسالە دا هەڤبەر بسالا دەربازبووی، خواست لسەر پەترۆلێ زێدەبوویە بۆ ٩٦ ملیۆن و ٤٠٠ هزار بەرمیلان د ڕۆژەکێدا بلند دبیت.
Comments are closed, but trackbacks and pingbacks are open.