ئەڤین ئیبراھیم، یا بەرنیاس ب ئەڤین قامشلۆ کو نوکە ل پارێزگەھا ھەولێرێ دژیت د دیدارەکێ دا بۆ بەرپەرێ ھونەری یێ رۆژناما ئەڤرۆ خویا کر کو کارێن نوو یێن ھونەری ل بەر دەستێ وێ ھەنە، بەلێ ژ بەر نەبوونا پشتەڤانیێ نەشێت چو ژوان کاران ئەنجام بدەت و گۆت: “پشتی ل سالێن بووری ژ رۆژئاڤایێ کوردستانێ ھاتیم و ل پارێزگەھا ھەولێرێ ئاکنجی بوویم، مخابن ھەتا نوکە من پەیوەندی ل گەل چو ھونەرمەندێن ڤێ پارێزگەھێ نینن کو کارەکێ ھونەری پێکڤە ئەنجام بدەین و ئەو دەرفەت بوو من پەیدانەبوویە کو ئەز سەرەدانا سازیێن پەیوەندیدار ب ھونەری ڤە بکەم بۆ وێ چەندێ من بنیاسن کو ئەز ژی سترانبێژەکا کوردم و ھەکە د شیانێن وان دابیت پشتەڤانیا من بۆ ئەنجامدانا کارێن ھونەری بکەن”.
ناڤھاتیێ خویا کر کو ل سالێن بۆری من بەرھەمەک بەلاڤکربوو ب ناڤێ (تەنابینم)، بەلێ ژ بلی بەرھەمی ھەتا نوکە من چەندین کلیپ و سترانێن تۆمارکری ھەنە، بەلێ جھێ داخێ یە کو دەزگەھێن راگەھاندنێ ژی خوە ل کار و بەرھەمێن وێ ناکەنە خودان و پەخش ناکەن، ژ بەر ڤێ چەندێ یا نەچارە کارێن خوەیێن ھونەری ب رێیا وشیال میدیایێ بەلاڤ بکەت و گۆت: “من چو بەرنامە بۆ شەڤا سەرێ سالا نوو نینن، بەلێ ھەکە داخواز بۆ گێڕانا کۆنسێرتەکێ یان پشکداریێ د ئاھەنگەکێ دا ژمن بھێتەکرن ئەز یا بەرھەڤم”.
Comments are closed, but trackbacks and pingbacks are open.