بیردانکا من

• ڤیان محــەمەد تاهر

بیردانکا من
ھزرەک لبەرخوە دکرو
دگەل شەڤێ دبوو ھەڤگۆڕ
دەنگێ ڕەڤا شەڤێ
ڕەنگێ ھزرا من ددا
ھیڤی ب شووشەیێن پەنجەرەیێڤە
ببوونە شوینتبلێن وەغەرێن
جوانترین زێمار ب خوە دا دکرن
ل ژێر ڕۆندکێن سویر
قەرقودەیێ گرییەکا کز
د ناڤ تارییاتییێدا دتەیسی
وای ل منا نابین
قیڕی و ھەوار
چەند جارکی ل بەر سینگا من دسەکنین
وای ل منا ژانژین
چوون و مرن
چەند جارکی ل سەر دلێ من دڕەقسین
ڕەنگ دبوونە ڕەشاتی
ڕەشاتی دبوونە دێو و
ب شەڤێڤە دھاتن
و
ئەز لبەر سینگێ خوە دنڤاندم ..
.