ئه‌ڤرۆ وه‌زاره‌تا ناڤخۆیا عیراقێ د به‌یانامه‌كێدا ڕاگه‌هاند: ڕێڤه‌به‌رییا پۆلیسێن ڕووبرووبوونا بازرگانیكرنێ ب مرۆڤان زه‌لامه‌ك د ده‌مێ فرۆتنا دوو كچێن وی هاته ده‌سته‌سه‌ركرن.
وه‌زاره‌تا ناڤخۆیا عیراقێ ڕاگه‌هاند: وى زه‌لامى به‌رى نوكه كوره‌كێ خوه ژى ب چه‌ند ده‌مژمێره‌كان پشتى ژدایكبووى فرۆشتییه، گۆت ژى، وى زه‌لامى بزاڤكرینه دوو كچێن خوه یێن بچیك ب 9 ملیۆن دیناران ب فرۆشییته كه‌سه‌كێ نه‌دیار و ل ده‌مێ بزاڤكرین بفڕۆشیت هاتییه ده‌سته‌سه‌ركرن.
هه‌ڕچه‌نده عیراق ئێك ژ وه‌لاتێن سه‌ره‌كى یێن به‌رهه‌مئینانا پتڕۆلێ یه ل جیهانێ و ب تنێ داهاتێ وێ یێ هه‌یڤه‌كێ یێ په‌ترۆلێ نێزیكى شه‌ش هه‌تا حه‌فت ملیار دۆلاڕانه، به‌لێ خه‌لكێ وێ د هه‌ژارییێدا دژین و ب بۆچوونا چاڤدێران ژى، هه‌ژارى و بێكارى ل عیراقێ ئه‌گه‌رێن فرۆتنا زارۆكانه ژ لایێ ده‌یك و بابێن وانڤه.
Comments are closed, but trackbacks and pingbacks are open.