د. سامان به‌رزنجى وه‌زیرێ ساخله‌مییێ ڕاگه‌هاند، حكوومه‌تا هه‌رێما كوردستانێ هه‌مى هه‌ولێن خۆ دمه‌زێخیت ژبۆ هندێ هژماره‌كا پێدڤى یا ڤاكسینى بۆ هاولاتیان په‌یدابكه‌ت، ئاماژه ب هندێ ژى كر كو جۆرێ نوى یێ كۆرۆنایى ل هه‌رێمێ نه هاتییه تۆماركر.
. ئه‌ڤرۆ د.سامان به‌رزنجى، ۆه‌زیرێ ساخله‌مییا حكومه‌تا هه‌رێما كوردستانێ ڕاگه‌هاند، ده‌رباره‌ى جۆرێ نوى یێ كورونایێ كو ب (ئومیكرون) دهێته نیاسین، چ تووشبوو ل عیراقێ و كوردستانێ نه هاتینه تۆماركرن، ئه‌و چاڤدێریا ره‌وشێ دكه‌ن و دگه‌ل به‌غدا د په‌یوه‌نیانداینه و چ بریار نینن كۆ سنور و فڕۆكخانه بهێنه گرتن.
هه‌روه‌سان به‌حسێ كاریگه‌رییا ڤاكسینى دكه‌ت و دبێژیت: پشتى ده‌ركه‌فتنا شه‌پۆلا سێیێ یا كۆرۆنایێ بۆ وان دیاربوو كو ڤاكسینى روله‌كێ گرنگ هه‌بوویه د ژمارا تووشونا خه‌لكى و مانا وان د نه‌خوشخانان ڤه و ڕێژا مرنێ ب شێوه‌كێ به‌رچاڤ كێمكریه، و به‌لێ ب لێبورینڤه كاره‌ساتێن مازن كه‌تنه ناڤ وان مالاندا یێن ڤاكسین وه‌رنه‌گرتین، وهه‌تا نوكه حكوومه‌تا هه‌ڕێمێ نێزیكى دوو ملیون و 500 هه‌زار ژه‌مێن ڤاكسینان بۆ هاولاتییان دابین كرینه.
سامان به‌رزنجى گۆت ژى، حكوومه‌تا هه‌رێمێ هه‌مى هه‌ولێن خۆ مه‌زاختیینه بۆ دابینكرن و به‌رده‌ستكرنا زۆرترین ژمارا ڤاكسینان بۆ هاولاتییان، ب وه‌رنه‌گرتنا ڤاكسینى و باوه‌ركرن ژ وان گوتنێن نه راست یێن ده‌رباره‌ى ڤاكسینى دهێنه گۆتن ژیانا هاولاتییان و خێزانێن وان د ئێخنه مه‌ترسییێ دا.
هه‌تا نوكه زێده‌ترى ئێك ملیۆن و 600 هزار قورچێن ڤاكسینى ل هه‌رێما كوردستانێ بكارهاتیینه، ل هه‌مى بنگه‌هان سێ جۆرێن ڤاكسینێ كاریگه‌ر و ڕێكپێداى به‌رده‌ستن، و زۆرترین ڕێژا مرنێ هه‌تا نۆكه ل ناڤ وان كه‌سانه یێن ڤاكسین وه‌رنه‌گرتین.
Comments are closed, but trackbacks and pingbacks are open.