وه‌زیرێ ساخله‌مییێ ل هه‌رێما كوردستانێ راگه‌هاند، د ئه‌ڤساله‌دا 69 توشبوویێن(HIV)ئایدز ل هه‌رێما كوردستانێ هاتینه تۆماركرن ژوان 58 بیانینه.
د. سامان بەرزنجی، وه‌زیرێ ساخله‌مییێ ل هه‌رێما كوردستانێ ل رۆژا جیهانییا ئایدزێ د كۆنگره‌كێ رۆژنامه‌ڤانیدا راگه‌هاند: كارێن پێدڤى بۆ ده‌ستنیشانكرن و دیتنا حاله‌تێن تووشبوون ب ئایدزێ دكه‌ین، یا ژ هه‌میان گرنگتر ئه‌و بیانیێن دمینن و سه‌رده‌دانا وه‌لاتى دكه‌ن بۆ وه‌رگرتنا مافێ ئاكنجیبوونێ، مه‌رجێ سه‌ره‌كى پشكنینا خۆینێیه، ئێك ژوان پێدڤییه پشكنینا ئایدزێ بكه‌ن.
د. سامان بەرزنجی گۆت، پێدڤییه به‌رى پرۆسێسا هه‌ڤژینیێ ئه‌ڤ پشكنینه بهێته‌كرن، ئه‌و كه‌سێن خۆینێ دده‌ن یان وه‌ردگرن، ب تایبه‌ت نه‌خۆشێن ته‌لاسیمایێ كو به‌رده‌وام خۆینێ وه‌ردگرن، پێدڤییه وێ پشكنینێ بكه‌ن.
وه‌زیرێ ساخله‌میا هه‌رێمێ دیاركر، سالا 2021 ل هه‌رێمێ زێده‌تر ژ 318 هزار پشكنینێن ئایدزێ هاتینه‌كرن، دناڤ واندا 69 حاله‌ت پۆزه‌تێف بوون، بتنێ 11 حاله‌ت ژوان وه‌لاتایێن ئیراقێ بوون ل هه‌رێمێ، 48 تووشبوویێن بیانى ل هه‌رێمێ و باجێن تایبه‌ت و فایلێن تایبه‌ت یێن هه‌ین و ل ژێر چاڤدێرییا ساخله‌میێدانه.
Comments are closed, but trackbacks and pingbacks are open.