ھەڤپەیمانیا ھەڤکاریا شیعان ب تەمامی ئەنجامێن داویێ یێن ھەلبژارتنان ڕەتدکەت و ڕەخنێ ژی ل کۆمسیۆنێ دگریت کو مینا ئەو دبێژن : ب جدی کار ل سەر ساکالا و تانێن وان نە کریە.
د ڕاگەھاندنەکێ دا ھەڤپەیمانیا ھەڤکاریا ھێزێن شیعە ئاشکەرا کریە ، کو کۆمسیۆن و دەستەیا دادوەری ب ئاوایەکێ جدی کار ل سەر تانێن وان نەکریە ، ب وی پیڤەری ژی ب نێڕینا وان ئەو بەڵگێن پێشکێشکرین ب ئاوایەکی بوون کو چاڤەڕێ دھاتە کرن کو کۆمسیۆن بڕیارا ب دەستی ھژمارتنا دەستی بۆ سەرجەم ویستگەھان بدەت .
ھەڤپەیمانیا ھەڤکاریا شیعان دبێژیت : ب ھەمی ئاوایان وان ئەنجامێن کۆمسیۆنێ ڕاگەھاندین ڕەتدکەین و نھا ژی مە گۆمان ل سەر بزاڤ و ھەوڵێن کۆمسیۆنێ ھەیە بۆ دووبارە ھژمارتنا دەنگان ، و کۆمسیۆنا ھەلبژارتنان و دەستەیا دادوەری ب جدی کار ل سەر تانە و سکالایێن مە نەکریە.
ھەر د وێ ڕاگەھاندێ دا ھاتیە : ل دەمێ بووری ھەڤدژیەک د لێدوانێن کۆمسیۆنێ دا ھەبوو ، چونکە بەری نھا تەکەزی ل سەر وێ یەکێ کربوو ، کو تانە و سکالایان گوھۆرین د ئەنجامان دا دروستکریە ، لێ پاشی ڕاگەھاند کو ئەنجامێن ڤاڤارتنا دەستی و ئەلکترۆنی ١٠٠% وەک ئێک بوون.
Comments are closed, but trackbacks and pingbacks are open.