زەلامەكێ تەمەن 54 ساڵیێ كرواتی بناڤێ بودیمیرا بودا ژمارا پیڤاییا جیهانێ شكاند پشتی شیایی بۆ ماوێ زێدەتر ژ 24 خولەكان هەناسا خۆ چك بكەت.
ڕۆژناما “دەیلی میل” یا بریتانی بەڵاڤكر، بودیمیرا بودا شیا بۆ ماوێ 24 خولەك و 33 چركا بێی بكارئینانا ئامیرێ ئوكسجینێ بمینیتە لژێر ئاڤێ، و ئەو هەوڵە ل مەلەڤانگەهەكێ ل باژێرێ سیساك یێ كرواتی لژێر چاڤدێرییا نوژدار و ڕۆژنامەڤانان بسەركەفتیانە ئەنجامدا.
ڕۆژناما بریتانی دبێژیت: ل پێشی بودیمیرا خۆ نقوم بكەت، چەنداتیەكا زۆر یا ئوكسجینێ پاقژ هەلكێشا دا ئاستێ ئۆكسجینێ دلەشێ ویدا زێدە ببیت.
وی وەڵاتیێ كرواتی گوت: پشتی چەندین ساڵێن مەشق و بەرهەڤكاریان و لسەر داخوازا كچەكا وی كو هەلگرا نەخۆشییا ئێفلیجیا مێشكییە، شیا وێ ژمارا پیڤایی تومار بكەت.
بودامیرا بۆ ڕۆژنامەڤانان گوت: ئارمانجا وی ژ وێ چالنجێ كۆمكرنا پارەیە بۆ دەڤەرا ئەو لێ دژیت كو ژئەگەرێ بیڤەلەرزەكێ وێران بووییە.
Comments are closed, but trackbacks and pingbacks are open.