سەرۆکێ هەڤپەیمانیا دەولەتا یاسا ڕاگەهاند، “پێتڤیە لەز بهێتە کرن د پێکئینانا حکومەتا کۆدەنگیا عێراقێ دا، کو بکاریت تەڤایا داخازیێن گەلێ عێراقێ بۆ خزمەتگوزاریان و دەلیڤەیێ، کاری بجهبینیت”.
نڤیسینگەها نوری مالکی سەرۆکێ هەڤپەیمانیا دەولەتا یاسا ڕاگەهاندنەک بەلاڤکریە و تێدا هاتیە تەکەزیێ دکەن ل تەڤایا بزاڤان و هەڤکاریا کۆما هێزێن سیاسی ل ناڤ پەرلەمانی ل پێناڤ دەربازکرنا قەیرانان.
نوری مالکی ب ئەندامێن نوی یێن پەرلەمانی دبێژیت، “هندی بکارن بزاڤان بکەن و کاربکەن، پێگیربن ب بنەمایێن نشتیمانی، هەوە پەیوەندی دگەل وەلاتیاندا هەبن، وێ یاسایێ ژی پێشنیار بکەن، کو داخازی و پێتڤیێن عێراقیان بۆ خزمەتگوزاریان بەردەستدکەت”.
دوهی، د جڤینەکێدا کو ل مالا هادی عامری بڕێڤە چوو، ل دێڤ زانیاریێن دەستپێکیی، لهەڤهاتن هاتیەکرن دناڤبەرا ئالیێن بەژداربووی دا د پێک ئینانا لیژنەیەکا هەڤبەش هەیاکو ببیتە کارنامەیا حکومەتا داهاتی و بنەمایەک بیت ژی بۆ پێشکێشکرنێ بۆ هەڤپشکێن دیێن سیاسی.
Comments are closed, but trackbacks and pingbacks are open.