نێچیرڤان بارزانی د کۆمبوونێ دا ل گەل فەرماندەیێن سەربازی جەخت كر، بۆ به‌رهنگاربوونا هێرشێن داعش و تێكشكاندنا وان، دڤێت ئه‌و لایێ هاريكارى و هه‌ماهه‌نگییا سه‌ربازيیا موكم دناڤبه‌را پێشمه‌رگه و سوپاى عێراقێدا هه‌بیت و ڤالاهییا ئه‌مني دناڤبه‌را واندا بهێته پركرن، بۆ هندێ پێكڤه رووب‌ڕوو داعش ببنه‌ڤه كو هه‌ڕه‌شێ ل ئارامى و سه‌قامگيريیا هه‌موو وه‌ڵاتى دكه‌ن.
نێچيرڤان بارزانى، سه‌رۆكى هه‌رێمى كوردستان، ئه‌ڤرۆ دووشه‌مبى 6-12-2021 ل گەل فەرماندەیێن سەربازیێن هێزێن پێشمەرگەى کۆمبوو، ل دووڤ راگه‌هاندنا سەرۆکایەتییا هەرێما کوردستانێ، نێچیرڤان بارزانی بریار دایه، بۆ ره‌وشا نووكه، ب هه‌ماهه‌نگی ل‌گه‌ل حكومه‌تا هه‌رێما كوردستانێ و لايه‌نێن په‌يوه‌ندیدار ب له‌ز پێدڤیاتیی بۆ بهێنه دابینكرن، “بۆ داهاتى ژى پێدڤیاتیێن ديێن پێشمه‌رگه‌ى بهێنه دابين كرن و فه‌رمانده و لايه‌نێن په‌يوه‌ندار راسپاردن ب له‌ز ره‌وشا به‌ره‌ییان و خالێن رووبڕووبوونه‌ڤه‌یا ل‌گه‌ل تيرۆریستان بهێنه رێكخستن و كێماسى و ڤالاهى بهێنه پركرن، ل سه‌رتاسه‌رى ميحوه‌ران ژى ئه‌و لایێ هاريكارى و هه‌ماهه‌نگییا دناڤبه‌را پێشمه‌رگه‌یدا هه‌بیت.
Comments are closed, but trackbacks and pingbacks are open.